嫲嫲自家製端午糭

5月30日  星期五  晴天

 尋日見幾位blog友都係講包糭, 

咁今日都講吓我家由嫲嫲包的上海糉.

今年她包了三款.

每款都好清晰地寫明是什麼餡料,
唔洗再估下估下了~

咸肉糉, 有咸肉和元貝仔!

外面層糯米有少少調味, 

唔洗加豉油都好好食,

兔寶寶都食咗少少~

鹼水糉, 今年加埋豆沙餡!
本來我唔鍾意食豆沙, 嫌它過甜又黏牙.
不過嫲嫲用呢隻豆沙唔知係自己整還是什麼, 
是不甜的,
雖然食落乾乾地,  
但應無額外加油, 
不滯胃也很健康.

紅豆咸蛋糉,
呢款出面層糯米無加味,
我就鍾意點沙糖食!

兔寶寶只吃了少量糭,
今日無煮茶點待她放學後吃,
只買了個貌似Mr. Happy的朱古力包做下午茶.
好少食甜包的她,
好開心咁週圍show off個包~~