拆錢箱

5月29日  星期四  晴天

 

呢個星期好曬呀!!

平日接送兔寶寶返學放學, 

每日都出好多汗, 

令我剛剛好返的皮膚又再敏感!

其實係呢一年呀B算大定D先多咗好多"戶外活動", 

以前我算係汗都唔出多滴的.

宜家先五月, 七八月時都唔知點算~~

星期三大少放假日, 

無街想去, 留响屋企癱抖吓.

唯一特別節目, 係拆錢箱數錢.

呢個錢箱, 由兔寶寶未出世時開始儲, 

記得就入D落去...

呀B大咗D之後呢, 每當佢搵到D散紙, 

佢都會自己入落去..

幾日前佢話要買野食時, 

我話無錢買, 佢就即刻從櫃桶裡拎個錢箱來俾我...

原來錢箱已經滿到塞唔入更多散紙了~

搵食艱難, 倒錢都唔係太易~

錢幣塞到滿一滿, 

開始時, 要倒錢出來也很困難,

要我用力撬才可以.

拎緊少少出來, 兔寶寶就可以把錢搖出來...

唔好以為好易呀!

平時可以跳十分鐘唔停嘅佢, 

倒錢倒到扯氣!

兩蚊最多!

無五蚊銀, 因為錢箱入口塞唔落~

咁細個錢箱, 唔計紙幣, 

都有三百幾蚊.

大家睇到錢箱口有被火燒過嘅痕跡嗎?

因為它歷史悠久, 

我小時候唔夠力撬開佢, 

但卻知"冷縮熱漲"的道理, 

竟然聰明到用火機"彈"吓佢!

所以...細路仔真係乜都夠膽死做!!!

倒晒D銀仔出嚟後, 

兔寶寶最關心嘅, 唔係有幾多錢.

而係研究錢箱的開關~

而最神奇的是搵到五毛澳幣一個~