週日雜記

8月31日  星期日  晴天

上星期忙著攪老爺出殯事宜, 

晚上都沒有精神寫blog了.

大人忙著正經事, 

對小孩來說, 卻是多了些新鮮事情去探索.

上星期一約了朋友玩塔羅占卜, 

占卜前先到了灣仔一間台式小店去吃晚飯.

兔寶寶沒吃多少, 

卻把整杯芒果多多喝光了~

****************

除了去波波池, 

現常常帶兔寶寶去中央圖書館內的玩具圖書館玩.

四十五分鐘一節時間, 

每位小朋友可以借兩份玩具.

兔寶寶最常玩的是嬰兒車~

*****************

週三週四去了大酒店送別老爺,

第一次從北角碼頭搭船往紅磡.

九月我上班兔寶寶上學, 

三人各有各忙, 襯有機會要影下全家幅.

週四英雄宴後呀婆帶了兔寶寶去波波池玩.

 

兔寶寶在做白事兩天都表現得正正經經, 

無扭計無嬉笑無跑來跑去, 

大人叫佢做乜就做乜,

特別獎勵她陪呀婆玩一次Thomas小火車. 

玩完波波池, 

呀婆還陪了我們一同去玩具圖書館.

之後約埋舅父, 去了天后的潮州村吃.

先叫了一份二人餐, 等舅父放工過來.

舅父未到, 兔寶寶已嚷著要吃, 

我分了四分一條魚給她先吃.

吃罷兔小姐還是覺得不夠,

但我又不想讓她多吃, 要佢等埋舅父.

於是佢無奈地托住個腮, 

不停叫舅父快D, 我要食魚呀!

舅父來到後再叫多碟韮菜花炒鵝紅.

這頓飯還有段小插曲.

當我開懷大吃大喝時, 

兔小姐先叫我帶她去VV, 

然後又告訴我她要去poo poo...

這飯店的洗手間比較上殘殘舊舊, 

但佢要去都無辦法.

開完細開大, 坐多兩坐, 

我打算爬埋碗裡的飯時, 

瞄到她神情有點不對...

於是再問她, 係咪仲要去呀?

佢笑笑口話係...

個廁所實在太污糟, 連呀婆都忍無可忍, 

叫我們先行飛的回家...

不過返到屋企, 直至上床睡覺, 

佢都未去過一次廁所...