放假一天

12月5日  星期四  晴天

尋日大少放假, 

早上帶咗兔寶寶去健康院見醫生做語言發展評估, 

評估過程和結果待我另一天再談.

見醫生見咗成個鐘, 

返屋企俾呀B食D野就行去銅鑼灣.

先去美心快餐食D野, 

然後去SOGO睇下有無童裝靴子特價.

最平果對都成五百蚊, 最多著一季, 

不合經濟化算.

買唔成靴, 响玩具部玩一陣, 

便去了北角, 因為大少應承了帶兔寶寶玩波波池~

和富商場呢間冒險樂園都幾大, 

但兒童迷宮部(即波波池位置)裡的設施很多都是壞的,

滑梯又唔夠"跣", 

著住襪都可以倒轉從滑梯底爬上去~

 不過兔寶寶同大少响迷宮內玩捉迷藏都好開心~

我就掛住响商場行, 

唔係好多時間陪兔寶寶玩.

在場地中段關閉消毒時, 

我地就行咗出去買咗對心水靴, 

又响麥當奴食D野休息吓~

由四點玩到七點, 

最後仲玩埋Thomas火車頭, 

大人就夠晒皮, 但兔寶寶仍唔捨得走~

晚上返灣仔食潮燒, 

小圖塊牛仔骨係大少指明要我影低佢放上網,

話佢燒得好靚喎~

係呀, 出外食呢D燒烤或打邊爐, 

我係完全繞起手唔燒等食的, 

大少係大廚、幫廚和助廚.

之前俾兔寶寶玩過D夾公仔遊戲, 

當係手指仔訓練.

現在佢都會用夾子夾食物了~