提前做冬。嫲嫲自家煮

12月3日  星期二  晴天

因為兔寶寶爺爺嫲嫲過年前後要返上海, 

所以提早集齊人做冬.

照過往慣例, 由嫲嫲親自下廚~~

 

有海參螺頭烏雞湯.

西芹百合炒肉粒.

鱆魚炆肉排.

椰菜煮肉片.

雙蒸倉魚.

乾煎大對蝦.
對蝦是大姑丈由大澳買回來, 
他解釋說平時市場買到咁大隻的蝦都是不活的了,

這些蝦卻在入鑊前都生生猛猛.

 

瑤柱扒小棠菜.

還有豬手和清炒小棠菜無影.

吃這餐飯前後各有段小插曲.

話說個多月前一小罐泥膠從小枱上墮下,

兔寶寶的右腳大腳趾甲不幸瘀傷了.

瘀血漬在腳甲內, 本來隨腳甲生長就能把它褪出來.

去嫲嫲家前呀B不小心腳仔踢了一下, 

無情力把那塊本來已經很脆弱的腳甲踢了出來.

正確來說是三分二踢甩了, 

三分一還"半天吊"的附在腳趾頭本來長趾甲的肉上.

其實新的趾甲已經薄薄的長了出來,

應該不是太痛, 我見呀B等待大少"救援"時還未有哭,

還跟著電視播放的節目哼歌.

消毒貼膠布的這個環節由大少負責,

就是這過程兔寶寶放聲大哭了,

哭至不肯穿上鞋襪離家去嫲嫲屋企.

也因為大少飾演了貼膠布的衰人, 

所以呀B不肯俾大少抱.

雖然只係上車前落車後幾步路, 

平時不多抱兔寶寶的我已經很累了.

到吃飯時兔寶寶在前段的時間仍不肯離開我, 

要我抱住佢食, 上面的食物照片都是大少幫我影的,

影完相佢順手就把我的電話袋入褲袋.

食完飯大少仍然要上班, 我和兔寶寶回家發現沒有廁所水.

服侍完兔寶寶刷牙洗面睡覺正打算好好享受我的"私人時間",

隱約聽到洗手間傳出滴水聲, 

那大概是咸水恢復供應, 水箱"上水"的聲音吧.

沒有理會, 過一排卻發現上水聲仍不斷傳來.

走入廁所看看, 驚見整個廁所都水浸了,

水深至門檻才不致浸出廳來.

原來咸水恢復時水壓過大, 

把水箱內的汞弄壞了, 

即使水箱儲夠水仍不斷供水上來.

我家的洗手間設計上本來就有少少問題, 

地面是水平的, 而不是斜斜地向去水渠方向的,

且去水位開得較高.

任憑我怎樣把水潑向渠位, 

水都好似去不到咁.

最後要慢慢用地拖去"索水",

一邊拖地還要一邊沖廁所把多餘的廁所水沖走.
天寒地永凍之下雙腳還要浸在廁所水中, 
卻因為不停勞動而出汗,
那種感覺真是沒齒難忘.

水箱的問題是我在弄乾地下之後才研究到的,

跟著我就自作聰明, 把咸水喉的總制關掉,

以為扭實就無水上.

由於沒有手機就打算睇吓書就瞓覺.

臨瞓前入一入廁所, 真係大件事!

原來個水制係扭極都唔實的, 或許有其他地方可以扭得更實, 

但我扭果個地方係就算扭到最實, 都仍然有水上,

只是水上得很慢很慢, 我在房中完全聽唔到.

再一次嘅"索水行動", 真係拖地拖到幾乎哭出來,

如果兔寶寶唔係瞓咗, 

真係想走落樓下便利店打電話俾大少叫佢上來幫手.

最後索乾了水, 

又把一支洗潔精倒轉插在水箱按制上, 

心還未安, 唯恐睡醒時整間屋會水浸, 

寫信貼在當眼處提醒大少放工回家不要拿開那支救命的洗潔精.

那晚我累得連水也不喝一口就癱C了.