深圳之旅

12月2日  星期一  寒冷

續: 公公生日飯 

食完公公餐生日飯, 

我地就同婆婆先乘車往市中心

(懶孝順咁, 其實係順路至啱~)

再轉小巴往上去, 改乘火車去羅湖.

去到按摩院已經好夜, 

所以要等兔寶寶瞓咗我先可以按身.

跟住落嚟嘅行程同以往差不多, 

都係鬆吓骨又出去行下街唱吓K.

今次返上去仲有一個目的, 

係拎咗部舊嘅iphone 去放, 

响大陸放點都會收貴D.

我果部又殘又花嘅4S都收返千八蚊人仔, 

大約二千蚊港紙~

唱完K, 

兔寶寶又有新嘗試...玩跳舞機~

嘻, 以前都係睇人玩多, 

都未嘗試自己玩過.

响大陸玩呢, 會大膽D唔怕羞,

加上呀B响度, 人地都係當我陪小朋友玩,

即使大少話我D舞步錯晒都無咁瘀~

跟住又係玩吓機動車仔,

兔寶寶百玩不厭.

接近兩天的行程,

除了食過K buffet和按摩院提供的自助餐外, 

只係响街外食過一餐.

又係去返食白切雞同豆苗.

大陸人整嘅白切雞仲係會煮到生生地, 

雞脾位會有少少紅色.

所以响度食雞我只會吃雞胸, 總之係全熟嘅部份.

記得細個果陣呀媽蒸雞都一定係蒸到生生地;

(當然果時無乜人會買冰鮮雞, 只會買新鮮雞啦!)

當時我一定係等隔夜番蒸先食,

完全接受唔到有D生仲痴骨嘅雞肉.

食這餐前兩個小時才吃過按摩院提供嘅自助晚餐,

沒有叫很多食物.

除了雞和菜, 另外還叫了一份客家豆腐、

十二隻蒜蓉蒸扇貝和一份花生薄撐.

兔寶寶除了食豆苗, 

就是研究花生薄撐.

佢仲作咗首pizza歌, 邊哼唱邊研究.

對呀, 佢只叫呢份食物做pizza,

不肯叫它做薄撐~

 

 最近兔寶寶常常不肯被大少拖住、抱住.

回程時冷了很多, 

呀B都接受爸爸抱了.

**********************

今日係兔寶寶舅父生日, 

借此空間祝佢生日快樂, 身體健康, 心想事成!!