入屯門做冬

12月13日 星期五  晴天

星期三大少放假, 

約好兔寶寶公公婆婆和叔公等人晚上做冬.

返咗娘家坐一陣後, 我地一家就落街食晏,

今次去咗食上海野嘅鋪頭仔...

兩大一小共吃了三份下午茶餐, 

再加一碗豆腐花...

食完野大少就帶兔寶寶去玩波波池,

而我就一條友行吓街買吓衫.

個多鐘頭後去波波池睇吓兩父女,

兔寶寶一見我就衝過來.

原來佢俾老豆推落滑梯(之前次次都要大人抱住唔敢自己sir)...

今次玩咗兩個鐘頭就要走, 

因為屋企慣咗早食飯, 六點半就開飯了.

去了稻香, 

只是七大一小共卻叫了半席加一份三寶, 

D餸多到有點食自助餐嘅感覺...

兔寶寶這時候已很眼瞓, 

行去酒樓時要叫爸爸抱(平時佢已經好少肯俾人抱喇), 

晚飯時只吃了點魚和甜品的一塊紅棗糕.

食完飯, 

以為兔寶寶眼瞓要趕住返屋企瞓覺呀?!

佢一見到商場內嘅sir滑梯, 

即刻精神晒呀!

 

玩條滑梯都玩成三四個字,

宜家佢完全唔洗人扶, 自己上落樓梯加sir落嚟,

我拎住一大袋野企响度等佢等到腰骨都赤.

要左氹右氹先氹到佢停一停影相~

 

 

 

同場仲有個假嘅大唖鈴俾人影相~

舉重最重要係乜?!

之唔係個肚腩有咁突就得咁突,

加上痾C唔出嘅表情, 

咁就無實際都夠晒姿勢啦~

呢個商場今年以翠兒同賓尼兔作聖誕佈置主題, 

場內就有一大棵聖誕主掛滿了公仔.

小時候都幾愛翠兒,

不過呢一代已經唔興華納嘅卡通, 

兔寶寶之前都無見過, 對佢地嘅興趣不大呀!

呀B對舅父都算係咁喇, 

肯俾佢抱吓, 宜家佢連大少都唔多肯俾佢抱呀!

過多兩年, 可能大隻舅父都抱不動兔寶寶了!

同場還有個大型萬花筒, 

很有趣呢!