一褲都係

12月11日  星期三  晴天

話說兔寶寶自從十月戒片呢, 

都算成功了一半,

在家中除了睡覺外都不用尿片.

要不是幾乎每天她都比我早醒,

走過來我張床食奶的話呢, 

夜片都可以戒埋的.

(所以餵母乳就有這種好處, 

可以懶到連奶都唔洗沖, 一面瞓一面餵!)

 

而失敗地方就是, 

一到出街, 佢就C都唔肯去街上的廁所!

那怕是大型商場的兒童坐廁,

我在她面前用消毒紙巾抺乾淨, 

佢都係唔肯去, 要我幫佢著返條片!

就因為咁呢, 我就省得煩, 

出街都會幫佢包返條片...

 

昨天早上帶佢去公園,

到佢同我講急時我才醒起出門時忘了幫佢穿尿片.

幸好公園很近呀B去開的幼兒中心, 

那兒有小童坐廁, 

就叫佢忍一忍, 帶佢上洗手間.

去到廁所佢又係唔肯去, 

我想強行除佢條褲抱佢上去, 

佢就扯實條褲, 哭聲驚動了中心的姑娘.

幸好那兩位姑娘都是熟人, 

佢地建議我離開洗手間, 由佢地氹吓兔寶寶.

可惜氹得一兩句兔寶寶已忍不住賴了.

好頭痛呀! 

佢唔係唔識要通知大人去廁所, 

又唔係忍唔到, 而係唔肯去出面嘅廁所.

現在我想到的方法就是由得她賴多幾次,

 睇下佢會唔會肯去啦!

頭髮終於夠長, 可以鬢吓辮喇~