和哥哥姐姐食tea

8月2日  星期五  炎熱

上星期日大少帶咗三個寶貝去打羽毛球,
打完之後大少帶佢地食少少野,
跟住就要返工喇!
交俾我接力...




兔寶寶, 你去打羽毛球呀?
定去搵周公呀?! 咁似啱啱瞓醒嘅?!


我本來打算接返兔寶寶走就算喇,
不過大少就叫我帶兩個小朋友出去玩吓...
其實我都同大少講過好多次,
帶出去玩唔係問題, 但要預早少少通知我(例如一、兩日前).
佢次次都係臨時臨急玩即慶咁推D細路俾我,
我就真係好抗拒!
我知大少一路都覺得我呢個家庭主婦好得閒,
同埋帶D細路去玩 = 我去玩, 係好輕鬆嘅一件事.


唔計我忙唔忙都好,
到宜家我都仲係學緊點樣同D細路相處, 仲係摸索緊佢地嘅性格,
佢地始終唔係兔寶寶咁細個, 會問我好多野,
亦都會講好多野我聽;
基於某D原因,
名義上兩個孩子嘅憮養權係歸於大少前妻, 但實質係由呀爺呀麻同工人照顧,
(一講佢前妻我就好火, 爭個撫養權來又唔係照顧D細路, 只係要佢地考第一,
要成績好! 其他野就完全唔理! 仲要霸埋大少間屋賴C唔走, 話D細路返嚟無地方住
其實由D細路出世到宜家D細路都係同呀爺呀麻住, 佢都無理過D細路!
呢D野係唔到我出聲, 但又直接同間接咁影響到我...

當年係因為大少係九代單傳, 所以奶奶好急要抱孫,
大少當時成日要上大陸, 識咗個女人, 俾奶奶催結婚催瘋了,  就同呢個大陸女人結婚!
條件係一定要生, 仲一定要生到仔為止!
最攪笑係個女人都識同大少講條件, 生完唔會湊, 同一定要請工人!
如果唔係大少親口講而佢前妻又承認, 我真係唔信呢個年代都仲有D咁嘅事發生!
我聽大少講, 佢前妻到宜家都仲千方百計結識不同嘅有錢佬!
仲要成日帶D細路去同唔同嘅"叔叔"玩, 真係吹帳!
我打出嚟唔係想唱衰邊個, 當俾我發洩又好,
當我提醒大家都好, 真係要提防大陸女人, 佢地真係貪得無厭.......
結論只有一個: 大少之前一段婚姻, 最可憐嘅, 就係對小朋友,

好多時我就要避重就輕, 深思熟慮咁同佢地傾計...
其實每次見面我都有壓力, 我早少少知邊一日會見到D小朋友我心理上要調一調整.


好喇, 總之, 星期日果日,
大少又叫我响佢返咗工時帶D細路週圍行吓啦!
咁其實我都知暑假D小朋友成日留响屋企都好悶嘅...

知道佢地打完波只係食咗少少野,
於是就帶咗佢地去永安附近嘅"妹仔記"食D野...

兩個小朋友都食瑞士雞翼+西瓜汁,
我就叫咗淨雲吞+西瓜汁, 係小食餐嚟架!
兔寶寶食咗一粒雲吞, 就開始四圍攪喇!

兔寶寶: 媽咪, 係姐姐攪我呀~

之後又帶佢地去永安同裕華行吓...

 然後送埋佢地落地鐵站, 咁我先再同兔寶寶去買餸呀!