又係稻香晚飯...

8月1日  星期四  晴天

續:  又係屯門一日遊

夜晚我地又係去稻香食,
因為呀公同大少嘅口味都係差唔多之餘,
大家都係食來食去食同一間唔會厭嘅...

為免令大家覺得好沉悶,
先來一幅兔寶寶開心食相俾大家睇吓:

果晚我只係繞埋雙手顧住自己食就得,
因為呀公同呀婆都爭坐兔寶寶隔離,
所以我退位讓賢, 主動讓位坐對面,
照顧兔寶寶嘅責任, 就交俾兩大長老喇~

呢幅相係兔寶寶霸道嘅罪証,
佢唔俾呀公隻手掂到張枱, 要撥開佢呀~

呀公: 你隻手放响度, 我隻手都放响度,
          唔好過界呀!!

當晚叫咗兩個孖寶,
首先有一個燒雞+ 淡水龍蝦衣麵孖寶,
兩個餸夾埋好似係$21X.

燒雞半隻, 我食咗好多.
雖然無上次果隻炸得咁靚, 但都幾好食架!

淡水龍蝦衣麵.
叫呢個餐嘅時候侍應早就提醒我地,
淡水龍蝦並不是真的龍蝦(可能俾人投訴過貨不對板吧!)
不過呀公响同集團嘅客家好盞度食過,
話食味都OK, 所以叫多次.

白色蝦球都好鮮味,
啱晒鍾意食蝦同龍蝦嘅大少.
唔知佢係擦我老豆鞋定講真心說話喇,
佢話好過食龍蝦, 啖啖肉, 仲多肉喎!
(唔好問我呀, 蝦同龍蝦我都係麻麻架咋!)

不可不叫嘅大斑兩味...

正如呀公所說, 屯門呢間嘅炆頭腩係食得出新鮮D啵!
應該係九龍果間一次過劏得太多, 隔咗夜嘅關係呀!

爸爸同大少都鍾意嘅涼瓜炒牛肉.

仲有我叫過好多次, 都唔記得叫乜野名嘅腐皮包菇菇.

四個大人一個B食六碟餸加兩個白飯,
最後大家吃得肚皮都撐了.
好彩果晚兔寶寶都幫手吃了不少.


呀婆氹吃飯...

坐對面的我不停觀察兔寶寶,
我覺得呀B好似大人咁, 一路聽住我地講野,
似足大少咁八掛呀!


呢餐連埋一個燉椰王, 埋單$60X.


**************************
兩個硬漢子...

忽然變咗個"嬲"字...

兔寶寶好開心喎!

大合照...

拖住返屋企LU!!

***************************
兔寶寶果日真係好頑強呀!
七點幾起身晏晝只係瞓咗幾個字,
仲不停行呀行, 體力真係有返咁上下...

玩完一日返屋企, 聽到電視嘅音樂,
又不由自主咁跳舞, 真犀利...
遲咗攞相機, 趕唔切拍下勁歌熱舞片段,
單憑一張成頭大汗嘅相,
請大家想像吓佢有幾rock n roll啦!