到葵芳一遊

8月3日  星期二  晴天

呢幾日都好忙呀, 每日都好似有D野要攪咁,
儲埋儲埋好多相都未有時間寫blog呢!

星期二呢日, 又係因為有D野要攪,
出咗去葵芳.

去到新都會, 又同呢D奧運大頭狗重遇,
影吓相先啦!

兔寶寶: 中國隊加油!

拍埋手掌添! 唔通佢幻想自己上台攞獎牌?!

兔寶寶: 我响度唱國歌呀!

其實要攪嘅工作只需5分鐘完成,
我地有D時間去食個TEA先呀!


我地去咗EURO GO GO食TEA,
一坐底, 兔寶寶立刻好雀躍,
爬上椅背.

原來有人要學奧運選手咁拉筋呀!
唔知佢要參與邊一項奧運項目呢?!

兔寶寶: 媽咪, 你誤會喇, 我拉吓筋做定運動,
             等陣間咪有多D quota食多D野囉~

我地叫咗兩個tea set,
一個係蕃茄通粉拼牛角包...

另一個係肉醬意粉....

食完仲買咗一大袋糖尿病餅餅俾公公添!


食完野行多一陣,
大少把握時間响bauhaus買咗3件衫,
有兩件無佢碼, 要第二日再攞.
買完衫, 大少返工, 我就再行多一陣,
等六點半約咗人响葵芳地鐵站等呀~


由於上次俾個導演炒咗,
B模生涯正式完結,
兔寶寶都不敢怠慢;
等待期間, 佢都把握時間,
拎住份recruit遂份遂份工睇呀!

搵工跳糟, sha la la la sha la la la la la~~
兔寶寶, DADDY同媽咪就旨意你喇!!

*****************************
果晚大少個好朋友仲送咗架白雪公主車俾兔寶寶添呀!!