8月18日 星期六 晴天
今日兔寶寶上第二堂playgroup.
經過上次遲到嘅經驗,
今次我地早咗二十分鐘到, 做咗最早果個添!
為咗等大少瞓耐D, 我一個人帶BB返學咋!
搭地鐵去到銅鑼灣, 剛剛部扶手電梯維修緊,
要响A出口出閘的話, 就要抬部BB車落樓梯.
本來想行去SOGO個出口搭LIFT,
多口問一問企响度疏導人流嘅妹妹仔職員,
可唔可以call D男職員來幫我抬一抬部車呀?!
個妹妹好好人, 叫我抱起個B,
佢就二話不說就幫我抬起架BB車落樓梯.
見個妹妹瘦瘦小小, 我即刻四圍望吓有無男仕可以幫幫手.
有個男人見狀就叫個妹妹等佢嚟(抬),
但呢位妹妹好有責任感(可能佢唔想煩到D客),
唔肯放手.
部BB車都幾重架!
好彩呢個時候有另一個男士一手搶咗架車幫我地抬咋!
雖則都係唔好意思煩到人,
但煩到個有氣有力嘅男人我個心就無咁唔舒服囉~
一路行, 個妹妹一路同我解釋點解唔call人,
佢話呢個時間要call人嚟起碼等15分鐘喎!
無論如何,
唔該晒今日十二點九左右守响銅鑼灣A出口果位職員妹妹,
同埋好心幫我嘅先生!
**********************
尋晚兔寶寶作反, 點都唔肯瞓,
到真係瞓著都三四點...(好誇張係咪?!)
今日上playgroup唔知佢眼瞓定點, 好曳好naughty呀!
係全場最曳最扭計果個, 但最細唔係佢啵~
人地叫佢做東佢就做西,
講故事果時又不停要爬出去個MISS度,
一個鐘頭後我都筋疲力竭, 花咗好多氣力去"抆"住佢.
到走果時一坐上BB車, 佢就舉白旗進入昏睡狀態,
俾佢激鬼C呀!
今日嘅勞作: 金魚形手指畫.
今次有70%係兔寶寶做架!
哈哈! 無佢隻手指唔成事吖嘛!
彩色斑點係兔寶寶D指紋嚟架!
**********************
今日8月18日, 大少同我都八一八先!
上完playgroup返到屋企,
大少就同我講: 對面天台有人拍跳樓戲呀!
係?! 响邊樹呀?
就响廚房隻窗望出去, 果然見到一班人拍戲喎!
睇咗一輪, 辨認到有兩個應該係男女主角.
男嘅, 應該係我都幾鍾意嘅乖乖仔郭晉安呀!
我睇嘅時候應該跳完樓,
一個類似導演嘅人物教兩位主角拍雙擁嘅鏡頭.
睇唔到個女仔係邊個, 只係見佢個女助手在試鏡時即刻彈開,
一試完又立刻彈返嚟擔住把遮,
好似怕個女主角遮遲一秒會曬C咁...
好喇, 今日就八到呢度先啦!
今日兔寶寶上第二堂playgroup.
經過上次遲到嘅經驗,
今次我地早咗二十分鐘到, 做咗最早果個添!
為咗等大少瞓耐D, 我一個人帶BB返學咋!
搭地鐵去到銅鑼灣, 剛剛部扶手電梯維修緊,
要响A出口出閘的話, 就要抬部BB車落樓梯.
本來想行去SOGO個出口搭LIFT,
多口問一問企响度疏導人流嘅妹妹仔職員,
可唔可以call D男職員來幫我抬一抬部車呀?!
個妹妹好好人, 叫我抱起個B,
佢就二話不說就幫我抬起架BB車落樓梯.
見個妹妹瘦瘦小小, 我即刻四圍望吓有無男仕可以幫幫手.
有個男人見狀就叫個妹妹等佢嚟(抬),
但呢位妹妹好有責任感(可能佢唔想煩到D客),
唔肯放手.
部BB車都幾重架!
好彩呢個時候有另一個男士一手搶咗架車幫我地抬咋!
雖則都係唔好意思煩到人,
但煩到個有氣有力嘅男人我個心就無咁唔舒服囉~
一路行, 個妹妹一路同我解釋點解唔call人,
佢話呢個時間要call人嚟起碼等15分鐘喎!
無論如何,
唔該晒今日十二點九左右守响銅鑼灣A出口果位職員妹妹,
同埋好心幫我嘅先生!
**********************
尋晚兔寶寶作反, 點都唔肯瞓,
到真係瞓著都三四點...(好誇張係咪?!)
今日上playgroup唔知佢眼瞓定點, 好曳好naughty呀!
係全場最曳最扭計果個, 但最細唔係佢啵~
人地叫佢做東佢就做西,
講故事果時又不停要爬出去個MISS度,
一個鐘頭後我都筋疲力竭, 花咗好多氣力去"抆"住佢.
到走果時一坐上BB車, 佢就舉白旗進入昏睡狀態,
俾佢激鬼C呀!
今日嘅勞作: 金魚形手指畫.
今次有70%係兔寶寶做架!
哈哈! 無佢隻手指唔成事吖嘛!
彩色斑點係兔寶寶D指紋嚟架!
**********************
今日8月18日, 大少同我都八一八先!
上完playgroup返到屋企,
大少就同我講: 對面天台有人拍跳樓戲呀!
係?! 响邊樹呀?
就响廚房隻窗望出去, 果然見到一班人拍戲喎!
睇咗一輪, 辨認到有兩個應該係男女主角.
男嘅, 應該係我都幾鍾意嘅乖乖仔郭晉安呀!
我睇嘅時候應該跳完樓,
一個類似導演嘅人物教兩位主角拍雙擁嘅鏡頭.
睇唔到個女仔係邊個, 只係見佢個女助手在試鏡時即刻彈開,
一試完又立刻彈返嚟擔住把遮,
好似怕個女主角遮遲一秒會曬C咁...
好喇, 今日就八到呢度先啦!
沒有留言:
張貼留言