十六個月大 & 食齋

8月17日  星期五  陰天

在剛剛過去的星期二, 兔寶寶踏入十六個月了.
等我記一記低佢十六個月的發展進度先~

十六個月的兔寶寶高了不少,
我無仔細度過呀, 因為一要佢拍埋把呎度企高佢都會即時彈開,
不過我餵奶時就明顯感到佢身體長了很多.
所以睇落無肥到, 但仍重了不少,
要抱她愈來愈吃力了.

飲食方面, 咀嚼能力明顯好少不少,
已經能完整地吃光了一整條菜莖了.
不過還未懂得用匙"畢"東西,
給她一隻匙羹, 她知道是用來畢野的,
也會作狀畢兩吓, 之後就會用來敲隻碗,
又或者咬住隻匙羹不放...

至於其他活動和說話能力----真是要抺汗,
是和十四、十五個月無分別的.
雖然拖住佢行是行得叻了很得快了,
但她還是不願意放手自己走路.
我都知道這是急不來的, 尤其我們都摸清兔寶寶都是受軟不受硬的人,
你硬要放手要她行, 她反而不肯行.
反而昨晚打八号風球, 大少得了半晚假,
早了回家和BB玩, 兔寶寶可能開心吧,
自己放手行, 還一路行一路"吉吉笑",
大概很快就成功了.

說話方面, 明顯聽得出的,
還只是有爸爸、媽媽和"汪汪"...
除了見到狗仔一定會叫"汪汪"外,
佢都唔係一見大少就叫爸爸, 一見我就叫媽媽的,
當然你指著我問她: 呢個係邊個?
佢都係唔會答你的.
你話佢唔識又唔係啵!
當有需要時, 例如我/大少响佢前食野而又唔分俾佢食果時,
又或者需要你抱時,
佢就會主動以很嗲的聲線去叫爸爸/媽媽.
所以兔寶寶是一個非常現實的B呀!
除咗爸媽之外, 其實佢仲會發一D差唔多的音,
好似"唔要"、"唔好"咁...
呢D音都係其他姨姨同大少聽到的,
佢地講起, 我就覺得有D似,
但又唔知係唔係, 因為真係同BB話差不多...


還有兩個月便要返健康院檢查,
聽說到時開始會考吓兔寶寶識唔識疊起4塊積木,
所以我間中都會訓練她.
雖然幫人全職同兼職補習都很多年了,
但教一個什麼都不會的BB來說,
我是全無經驗的, 也無從入手.
無論我示範多少次疊起積木,
又或者捉著她手仔放一塊積木上去,
當她雙手自由的時候, 一見到被疊起的積木,
都是一鼓腦兒推塌它,
真係破壞王來的.
我都不知道是我教的方法不對, 還是我過早教她了.

************
上星期大少主動提出去多次"普光齋"吃下午茶.
去咗幾次, 今次終於記得影吓佢放食物的一角了.

今次有拎沙律, 隔離係馬豆糕.

沙律出一輪, 上次一去到無"畢"就無份食,
今次一去就畢定先.

素燒賣和冬菇炆南瓜.

齋老味, 春捲同兔寶寶吃的齋腸粉.

炒飯和蛋散.

有新野出, 係焗西米布甸.

當然少不了大量炒蔬菜, 不過無影相呀!