晚飯.

8月15日  星期三  晴天

响珀麗灣影完相已經六時多,
拆埋個頭同落妝, 約埋下次睇相日期,
攪掂晒所有野就沖沖忙忙返屋企.
呀媽話太夜了唔留响度食飯.

上一次交低兔寶寶俾婆婆,
我地回家時BB都無乜野, 仲對住我地笑呢!
今次呀婆就話佢比較扭計,
不時望著大門, 又唔太肯瞓又唔太肯食咁.
見到我同大少返嚟, 唔單止無笑容,
仲好似嬲咗我地咁, 要氹佢好耐先識笑呢!
今次我地離家都有個小意外呀!
就係廚房門口度安全閘鬆咗,
塌了下來, 壓到兔寶寶心口仔紅了一遍,
仲損咗少少呢!
呀媽話係佢响廚房整野食時兔寶寶响出面不停搖度閘所致.
我檢查過傷勢並不嚴重(事實上第二天就開始散紅了);
反而呀媽就很不安樂, 不停責怪自己,
雖然我都肉痛,
但唯有說: 等佢痛下都好, 等佢下次唔敢搖之類嘅說話.

從件衫嘅領口位可以見到兔寶寶心口仔紅咗呀!


今次留兔寶寶响屋企, 返嚟見到佢嬲咗我,
我都好內疚.
幸好將來(直至兔寶寶上N班)的日子我同佢都會形影不離,
唔洗再漏底佢架喇!

兔寶寶: 媽咪你講得出要做得到呀!

**********


屋企附近新開咗間食火煱為主嘅酒家,
之前見佢攪團購, 買咗張優惠卷.
大少話既然無乜特別野想食, 就用咗張coupon佢喎!
去到間酒家樓下, 個知客先話用coupon的話要早兩日訂位.
咁望望錶, 都八點幾了, 於是行多陣,
等到八點半, 去另一間酒樓食晚飯.
因為八點半後小菜有特價呀!



見返DADDY媽咪又有街街去, 兔寶寶即刻活躍起來.

先叫三個餸, 有大少鍾意嘅醬爆鴕鳥肉.

腐乳通菜炒牛肉.

上幾次都想叫, 但次次叫都話賣晒的黃金蝦.

以上三碟, 全部特價$39.8.

次後睇MENU, 見蒸元貝做特價,
38蚊8隻, 於是叫了一碟.

貝就是貝, 不過不是元貝, 只是扇貝吧!
而且蒸得不好吃.

最後叫多一個沙嗲金菇牛肉煲.

可能日頭吃得少, 今餐兔寶寶很開胃呢!

兩人一B叫了五個餸加兩碗飯,
還送了三碗木瓜雪耳糖水, 埋單都只是二百七十幾元.



附錄: <兔寶寶蝦媽咪記>

當日兔寶寶唔好老脾,
想錫一啖原來係咁難呢!