第一次上playgroup

8月12日  星期日  晴天

尋日星期六, 兔寶寶第一次上playgroup了.

我分別在兩間幼兒教育中心報名,
八月份上兩班, 九月上六班.
都是我大懵, 記錯了九月份的上課時間,
直至中心的導師打電話來, 問我係咪唔識路嚟,
始知原來她們已經上堂了, 而我還在夢鄉!

幸好憑著我三吋不爛之舌,
她們終於肯給我於同日三點鐘補堂.
(本來已經當absent無得補堂喇!)
而當時已經是下午兩時了, 我和兔寶寶身上還穿著睡衣呀!
趕忙換尿片換衫, 出門口時已是兩點半了.

天公不造美, 正在下大雨呢!
要是我一個人推著BB車,
我無手擔遮, 就必然濕身了.
唯有叫大少幫手擔遮, 送我去銅鑼灣,
結果都是遲了幾分鐘.

今次報呢間playgroup規模很少,
租用商業大廈的一個單位,
一角放著幼兒玩具,
拉上布廉便開始上堂了.

唔知係咪補堂關系,
6至7個BB至中, 兔寶寶應該是年紀最少的,
也是唯一一個還不會獨自走路的學生(佢識, 但唔係時時肯行).
大致上都係講吓故仔, 唱吓歌仔,
要小孩就著內容做吓動作咁.

雖然係第一次上堂,
但幾乎所有歌兔寶寶都係成日聽的,
平時我都有同佢玩一路唱一路做動作,
所以佢都好開心.
唱完歌, 分成兩組,
一組做手工, 一組做用匙羹"畢"野嘅練習,
做完一樣之後兩組交換.

呢個就係我們的作品了,
其中有0.0001個percent係由兔寶寶做的.


總括來說, 上完一小時,
兔寶寶大概都唔知做乜,
係唱歌時間佢先最開心.
不過上playgroup都預咗係帶佢出去玩吓,
見吓其他小朋友,
唯有寄望下次早點點去到,
等佢可以响開始上課前同其他BB仔玩多D啦!

兔寶寶: 我讀書識字了!