同阿媽去食Pizza Hut
我地諗住好早, 六點三已經去酒樓攞位.....點知無論客家好棧, 稻香, 海霸果D酒樓都爆晒呢! 重要係啱啱入客, 即係有排等....屯門市廣場D食肆真係好旺呀~~
好 在我有諗過唔同阿媽食中菜, 因為知佢幾乎日日去飲茶, 同埋佢成日唔煮飯都係响出面食中式野...所以晏晝經過pizza hut時訂定位...到差不多7點鐘, 响度度都要等餐濛, 而我又行到死死吓嘅時候, 去到pizza hut留咗張卡位枱俾我哋, 我真係感動到想喊....
同阿媽阿哥四個人食咗一個芝士六重奏四人套餐..
每人一個湯, 大少分咗一半俾兔寶寶飲......
芝士焗香草蕃茄法式多士: 唔太好食....
法式田螺伴焗薯蓉: 麻麻地......
千層肉醬闊麵: 都係pizza hut一般水準， 唔難食， 又唔係好好食。。。
香蒜肉C意粉: 係好難食...任何有少少煮野食經驗嘅人都煮得好味過佢!
佢應該係想煮到Al Dente嘅口感, 但硬過頭! 而且無味道!
成個餐算係最好食果樣, 亦係成個餐嘅主角: 芝士六重奏配大蝦蕃茄
仲有飲品四杯......
大少有會員卡， 阿哥話你出會員卡佢出visa卡喎。。。謝謝阿哥找數。。。。
飽到食唔倒甜品tim~
之後撘西鐵返屋企.... 到十二點幾再同大少落街食咗個淨雲吞同兩個夜茶點心做消夜, 就攰得滯要瞓覺覺豬lu........
沒有留言:
張貼留言