增肥~ 再增肥....
睇完醫生, 大少知道兔寶寶屬於輕飄飄嘅BB後, 佢問我擔唔擔心...
無話擔唔擔心嘅...可以話無得擔心, 始終BB健唔健康先係最緊要, 高矮肥瘦又有咩所謂? 不過BB肥少少嘅感覺又真係好似健康D, 同埋得意D...兔寶寶條小蠻腰都係粗小小好...同埋我知大少屋企思想較舊, 唔會鍾意自己個孫瘦猛猛!
於是返到屋企, 我又飲奶又食芝士, 再隊多碗糖水先瞓晏覺...
瞓咗兩個鐘, 又摷雪糕食, 食完再食蛋糕, 餅乾...呢D立雜野對我嚟講零難度...
好似唔太健康又加熱個花膠湯嚟飲....
大少同我諗法差唔多, 佢覺得唯一可以做嘅就係質肥我....於是尋晚夜小小佢就帶我去土瓜灣飲夜茶喇...
睇吓兩條友响15小時內 (有大約8小時係用嚟瞓覺, 即係呢度係消夜+早餐), 食咗幾多野?!
今日有木瓜眼眉豆花生湯, 先飲一碗, 臨走唔夠喉再飲一碗...
呢度最好食嘅鮮竹卷, 最好係佢無咩肥豬肉....
糯米雞都好好食....
棉花雞又係好好味, D魚肚索味得來又唔會有成口油嘅感覺, 通常大少都會讓我成碟食晒嫁~~
燒賣: 大少好快手夾咗一粒.....
我唔鍾意食豬肉, 所以唔鍾意食燒賣...
咖哩魷魚: 即叫即蒸, 雖然唔係鮮魷, 而係土魷, 都好好食...
牛柏葉: 又係即叫即蒸, 比起好多酒樓好食得多...
鴨腳扎: 純粹因為鍾意'蒜'骨而叫, 最唔鍾意入面果舊豬肉...
鳳爪: 又係鍾意"蒜"骨
排骨: 大少嚟親, 唔食過唔安樂, 佢話係佢食過最有水準嘅排骨....的而且確瘦得來唔鞋, 但豬肉都係留俾大少啦...唔同佢爭啦....
呢間賣點心飲夜茶嘅鋪好串嫁~ 晚上22:30p.m.先開, 早上10:00a.m.就關門, D阿姐態度都串串地咁嫁, 不過依然有好多人特登揸車嚟食.....佢D例湯好足料, 煲得好濃, 好多人嚟到都叫一碗, 好多時點零鐘就賣晒嫁喇~
今日一瞓醒, 大少又話去迎喜飲茶....又飲?! 佢話想飲濃茶喎~~
又食:
牛肉
蘿蔔糕拼馬蹄糕
硯芥鯪魚球
魚肉釀茄子
流沙飽
皮蛋瘦肉粥
瑤柱粟米粥
食完咁多野, 大少話想食多個芝麻糊, 又話share一齊食..點知佢食一啖又話好甜好甜...
大少, 甜品緊係甜嫁啦, 唔通咸呀?!
你係咪玩野?!
嚟~ 大少, 笑吖~ 望鏡頭....EEEE
點解影大少?! 比佢做對比, 兩星期後, 佢同我增肥嘅side effect呀!!
大少, 肥人終肥己呀!!!
沒有留言:
張貼留言