身體抱恙加上天氣寒冷, 最佳最好的週日活動就是食同瞓了....
即使唔眼瞓, 為咗幇兔寶寶長肉, 只要有時間, 我都躺在床上. Heehee....
其實懷孕後, 我都好注意飲食同運動量....
因為以前聽過, 一個女性, 人生之中, 有三個階段係最易肥, 而且, 仲要係肥咗好難瘦得番果隻肥...
分別係嬰兒期, 青春期同埋懷孕期...
聽落好似好多餘, 鬼唔知呀媽係女人咩......但諗真下, 身邊認識嘅女性朋友/親人, 又真係經過以上三個階段而變肥的....所以大咗肚之後, 真係唔敢食太多, 特別係零食; 有時上晝食多咗, 下晝都食返少D...實際上食嘅份量係明顯比之前少....
同埋而家D醫生/營養師, 全部都指出大肚其實唔需要食得多, 最重要係營養均衡...又話孕婦其實只需要比平時食多一份芝士三文治已經足夠....見到陳慧琳果大肚餐單, 簡直就係減肥餐單, 仲要我無Kelly咁高喎.....
一有時間, 我就出街行. 無地方去, 一日落去行三次街市都好....食完夜晚飯, 一條友, 又走落附近超市行, 好多時係齋行, 咩都唔買.....到大少收工, 又去接大少放工....坦白講, 我又唔攰喎, 到宜家九個月, 大少依然會叫我行慢D...
直至上星期產檢發現兔寶寶好似營養不良咁, 我就開始自責, 係咪我太過顧住自己嘅體型, 而忽視咗兔寶寶嘅健康呢?? 反正仲有不足一個月, 就到預產期了...我決定唔理咁多, 肥就肥吧!
之前我瞓瞓卟肚餓, 都係飲杯奶就算; 如果忍唔住食咗野, 罪惡感會叫我唔敢瞓返..而家我唔理喇~ 食D唔高脂嘅食物就算...
食完就瞓.........原來好爽!!
瞓醒的週日去咗"牛屋餐廳", 果度午餐好抵, 同大少一人一個午餐A....
有忌廉湯...唔洗講, 大少果份又係俾我飲埋..
大大個餐飽....大少問: 牛油係咪好肥嫁?! 唔好玩啦大少! 我話係咁你係咪唔搽?!
兩塊牛扒, 跟薯條...
仲有餐飲呀~
大少好無良, 自己食唔晒D薯條想'質'我食....我當然, 唔啋佢啦~~~
之後我返屋企瞓.....大少本來話今個星期日唔出去食消夜, 叫我自己煮野食....點知我果頭食完晚飯, 佢又打嚟話....不如出去飲夜茶喎~~ 哈, 有街出又煮少餐我緊話好架!!
又飲咗兩碗湯, 章魚花生湯...
蘿蔔糕同鮮竹卷..
糯米雞...
仲有鳳爪, 棉花雞同咖喱魷魚...呢間飲夜茶, 點心款式不多...不過大部份都幾好食....至少比好多飲夜茶嘅地方好食...
食完又返屋企瞓覺喇~~~
沒有留言:
張貼留言