今朝一起身, 就準備咗呢個免搓包的面糰.
只係四樣野: 暖水, 鹽, yeast 同高筋粉.
食譜簡單到做一次就記得.
今次我用咗鹽同yeast各半湯匙,
溫水一杯, 高粉260克,
攪勻, 分兩份各放入一個盒.
室溫發兩個鐘,
之後放入雪櫃, 由得佢繼續發,
我就起程, 出發去游水LU....
游完水返屋企,
望吓錶個面糰响雪櫃雪咗大約五個鐘,
攞一盒出來,
又情不自禁想整芝士包....
咁就加咗兩塊芝士落去,
整型, 等多40分鐘發酵.
今次比較特別的是,
要連埋一個焗盤同焗爐一起預熱(230度),
當放面糰入焗爐後, 要在下面果個焗盤倒入熱水,
去製造蒸汽效果.
一出爐, 都等唔切灘凍,
就切開來吃.....
奇怪, 個皮唔係脆的,
是硬中帶韌的,
有少少似隔夜法包果層皮;
不過個芯好好食,
係好似法包嘅感覺.
內部組織:
雪櫃仲有一盒面糰可以聽日玩,
唔知發多一日會唔會有分別呢?
********************************************************************************
今日去咗游水, 好開心,
大少真係唔話得,
放棄去做gym,
選擇留响屋企打機同照顧兔寶寶,
返到屋企佢就投訢兔寶寶係咁扭計,
見到我先鬆一口氣.
哈哈...
佢係咪諗得呢個任務太簡單呢?
睇下兔寶寶响分半鐘時間入面,
玩手仔玩口水玩毛巾玩腳仔....
無時停...
大少, 媽媽好偉大架~~
沒有留言:
張貼留言