兔仔燈籠

9月4日  星期日  雨天

今日呀媽嚟除咗拎個煲入嚟俾我整包之外,
仲買多咗個燈籠呀!
其實上次買Kitty燈籠果時, 佢已經叫我買兔仔款嫁喇!
不過當時我屋企樓下D兔仔款好普通又好核突,
所以先無買到, 買咗KITTY姐!
估唔到我媽原來心深不岔,
老遠响屯門買咗隻又有閃燈, 又有歌, 又有風扇吹吓吹吓响入面D雪嘅兔仔燈籠.
就係咁, 尚未識玩燈籠嘅兔寶寶就有兩個又有閃燈,
又有歌, 又有風扇吹吓吹吓入面D雪嘅燈籠喇!!

一開頭D大人掛住飲飲食食,
無人撩佢,
兔寶寶都無乜mood~

隔硬塞咗個兔仔燈籠俾佢,
佢都無乜反應....

攞埋之前果個KITTY燈籠出來,
有D反應喇!
一個有著燈一個無著燈,
因為D電係响KITTY度冊出來....
兔仔著得燈來, KITTY就唔著~

************************************************************************************************

呢兩日兔寶寶有D咳呀,
來不來會有一兩聲,
不過今日係星期日無醫生睇.....
其實要唔要睇醫生呢?
無發燒但有少少鼻水,
上網睇過D人話咁細個B如果無乜野睇醫生都係side氣,
因為醫生唔會隨便開藥!
希望聽日兔寶寶無咩事,
捱到去後日(星期二)約咗返QE睇兒科!