KFC午餐

2013年9月4日  星期三  晴天

搬咗去blogger之後, 

本來打算唔將舊有的文章搬過來, 

諗吓諗吓又唔抵得,

星期一晚開始螞蟻搬家, 咁多篇實在無法一下子做妥,
所以個blog暫時較亂, 可能睇得唔太順暢,
大家請原諒呀~

星期一九月二号, 學生哥返學日,
兔寶寶無份返學, 都揹個背囊扮吓野...
講咗好耐先肯放低藍色個袋仔~

從後睇, 兔寶寶背影好大個呀!
 

我地唔係去返學, 只係去食KFC姐~

前日行街有人派coupon, 有D餐好抵~

我地叫呢個餐, 仲抵!
食唔晒咪打包囉~

一坐底要放低背囊先~

好快有野食!
四件雞俾葡撻同薯格遮住晒~

兩盒飯諗住食唔晒啦,
又食得晒喎!

仲加八蚊摸多個芝士火腿脆卷!
脆得來有D硬, 唔多好食!

兔寶寶, 開餐喇!

原來大少已經帶過呀B嚟幾次, 佢仲話呀B好鍾意食添~

結果兔寶寶都一個人食晒成件雞.

連我至愛嘅葡撻都唔放過...

係心理作用定點呢? D葡撻好似細件咗咁嘅?!