尋日我同兔寶寶返咗屯門娘家呀!
搭西鐵入去嘅時候叫兔寶寶瞓一陣晏覺,
等陣精精神神咁見婆婆.
點知佢掛住八八掛掛, 去到屯門先中眼瞓,
多番接手抱上抱落都唔醒,
結果要响地下瞓一陣(房無開冷氣)...
瞓醒(其實係俾我整醒)都仲係未回魂咁嘅樣,
呀婆醒目, 攞出佢至愛嘅車厘子, 即刻精神晒~
又有利是收, 咁就更加精神爽利啦!
尋日入去最主要係因為呀哥果晚就會去蘇格蘭做背囊友一個月,
臨上機前先圍埋食一餐.
成個月咁耐, 行李就係得呢個大背囊...
唔洗擔心我呀哥行裝太簡便呀, 佢試過去非洲成年咁耐,
只係揹住一個比呢個大少少嘅背囊架咋!
响屋企玩咗陣, 就出發去元朗食晚飯喇!
排排坐搭西鐵, 五個人剛好坐一排位...
今期"三人行必有我B"轉咗主角添!
好鍾意呢D背影相,
兔寶寶有街街去跳跳紥...
3X年前, 果個細細粒, 係我嚟架!
元朗除咗多野食, 仲多單車,
同埋好多人養狗...
沿途見到好多狗仔,
兔寶寶唔單止唔驚(莫非D狗唔夠高飛大隻
?!)仲想走埋摸人地, 唔係公公婆婆拖倒實一實,
佢真係分分鐘俾狗仔咬LAW柚...
BOOK咗位响元朗嘅HOMEY CAFE 度食...
兔寶寶: 等我睇下MENU先~
要咗一份七成熟嘅牛扒.
全份(一隻)唔記得乜野烤雞......完全不好吃!
我燒果D都好食過佢!
全份燒排骨, 我食咗一舊仔, 都可以的;
不過舅父就話燒得唔夠香,
公公就話"永合隆"D燒排骨好食過佢喎!
以上三個主菜, 可以每份加$38配湯/沙律及飲品.
我地叫多兩個沙律加一個湯.
湯係南瓜湯, 係公公叫來俾BB飲的...
沙律...
小吃要了芝士烤雞Quesadilla, 這個幾好吃架!
由於食物份量很少, 所以再叫多兩碟...
Today Special中的煙三文魚白汁忌廉天使麵,
味道不錯, 兔寶寶都食咗唔少.
又係Today Special: 大蝦菠菜水牛芝士薄餅.
呢個真係好好食, 即使是最遲上桌, 大家也差不多飽了,
也一致認為呢個pizza係是晚最好吃的,
甚至可能係我吃過最好吃的pizza.
不過用手吃有些狼狽, 因為一路吃蝦嘅肉汁滲出來,
滴到成手係呢!
其實呢間cafe係賣burger呀hotdog呀sandwiches呀pasta呀呢D小吃出名的,
肉類菜式反而麻麻...
攪事多過吃的兔寶寶...
4個大人一個B飲飽食醉, 埋單$1080.
多謝呀哥請客.
臨走試下揹吓大背囊,
嘩~ 相比起兔寶寶輕好多好多!
仲要揹住四圍走, 你係得嘅, 大佬!
同舅父say goodbye之後,
公公仲話大少要返工無份食,
要買D元朗特產俾佢食吓喎!
買完餅, 慢慢行去西鐵站,
兔寶寶一時由公公抱著, 一時落地行,
一上西鐵, 都唔洗我出聲, 佢已經瞓到咁:
沒有留言:
張貼留言