4月20日 星期五 狂風暴雨
早排買落幾樣團購產品,
買咗又未到期拎,
今朝摷返張coupon出來睇先知其中一張今日就過期,
見個天雖然黑晒又無下雨, 就揹埋兔寶寶出去拎貨喇!
途經心儀嘅幼稚園就順便攞埋兔寶寶讀預備班嘅入學申請表.
點知响幼稚園出來個天就黑晒,
行咗一條街仲橫風橫雨添!
用橫風橫雨去形容真係貼切, D雨真係打橫咁落落嚟.
走埋一邊避咗一陣雨都唔係辦法, 雖然大半把雨傘都係遮住兔寶寶,
但都唔知要等幾耐先至細雨返少少, 企响度揹住兔寶寶,
加上之前去拎野已經行咗一大段路, 我真係頂唔倒幾耐!
唯有硬住頭皮走返屋企.
兔寶寶有我攬到實一實就無乜點濕, 仲瞓埋添!
但係我就大半個人都濕晒!!!
兔寶寶: 响媽咪嘅懷抱下真係瞓得特別舒服!!
上個禮拜俾咗張combi嘅搖搖high chair一個朋友,
因為佢個BB仲細可以用得著搖下搖下呢個功能,
同埋兔寶寶而家一食飽野會LUR出來,
果張combi嘅high chair墊雖然用布做可以拆出來洗,
但我無可能每食一餐都洗一次嘛!
咁啱兔寶寶表哥有另一張可以抺得嘅high chair,
本身都係留嚟俾兔寶寶架喇, 就叫大少拎返嚟.
唔知兔寶寶係咪嬲我無問過佢就將佢原先張high chair送咗俾人地,
定係嫌呢張無得搖下搖下(其實平時用舊果張都係LOCK咗唔俾佢搖架喇!)
貪新鮮坐過一次之後, 就唔肯再坐.
試過幾次, 一抱入去都未坐得低晒就大喊,
唔理佢喊照餵佢食野就點都唔肯食....
大少仲因為呢樣野話我好咁快俾張high chair人......
第一次坐呢張chicco嘅high chair, 好快就扭落地, 唔肯坐.
好彩表哥仔"架餐"多, 大少話仲有一張櫈仔都係俾BB坐,
拎返來睇下啱唔啱用....原來係活動櫈仔來!
又OK喎!
第一次坐上去, 兔寶寶少不免左攪右攪.....
坐上去食咗幾餐飯, 兔寶寶都幾鍾意呢張活動櫈仔,
咁我暫時就俾佢用住呢張先(好彩呢張都幾易抺),
等佢大少少可以自己食先用返chicco果張high chair.
女呀女, 呢度好多姨姨睇住, 你...可唔可以斯文返少少呀?
********************
上次整芒果慕士蛋糕買咗一份芒果,
剩返兩個擺到熟透了;
面果層JELLY用咗半包JELLY粉,
於是用呢D剩餘物資整咗幾杯芒果布甸.
屋企啱啱無晒牛奶/花奶, 於是用咗高鈣無糖豆漿去整.
起初都驚味道會怪怪地, 好彩D芒果夠熟夠香,
完全遮晒D豆漿味, 雖則無用花奶咁滑,
不過就無咁肥又高鈣, 健康好多嘛!
最緊要係唔洗我買咗一罐花奶返來用少少!!
早排買落幾樣團購產品,
買咗又未到期拎,
今朝摷返張coupon出來睇先知其中一張今日就過期,
見個天雖然黑晒又無下雨, 就揹埋兔寶寶出去拎貨喇!
途經心儀嘅幼稚園就順便攞埋兔寶寶讀預備班嘅入學申請表.
點知响幼稚園出來個天就黑晒,
行咗一條街仲橫風橫雨添!
用橫風橫雨去形容真係貼切, D雨真係打橫咁落落嚟.
走埋一邊避咗一陣雨都唔係辦法, 雖然大半把雨傘都係遮住兔寶寶,
但都唔知要等幾耐先至細雨返少少, 企响度揹住兔寶寶,
加上之前去拎野已經行咗一大段路, 我真係頂唔倒幾耐!
唯有硬住頭皮走返屋企.
兔寶寶有我攬到實一實就無乜點濕, 仲瞓埋添!
但係我就大半個人都濕晒!!!
兔寶寶: 响媽咪嘅懷抱下真係瞓得特別舒服!!
上個禮拜俾咗張combi嘅搖搖high chair一個朋友,
因為佢個BB仲細可以用得著搖下搖下呢個功能,
同埋兔寶寶而家一食飽野會LUR出來,
果張combi嘅high chair墊雖然用布做可以拆出來洗,
但我無可能每食一餐都洗一次嘛!
咁啱兔寶寶表哥有另一張可以抺得嘅high chair,
本身都係留嚟俾兔寶寶架喇, 就叫大少拎返嚟.
唔知兔寶寶係咪嬲我無問過佢就將佢原先張high chair送咗俾人地,
定係嫌呢張無得搖下搖下(其實平時用舊果張都係LOCK咗唔俾佢搖架喇!)
貪新鮮坐過一次之後, 就唔肯再坐.
試過幾次, 一抱入去都未坐得低晒就大喊,
唔理佢喊照餵佢食野就點都唔肯食....
大少仲因為呢樣野話我好咁快俾張high chair人......
第一次坐呢張chicco嘅high chair, 好快就扭落地, 唔肯坐.
好彩表哥仔"架餐"多, 大少話仲有一張櫈仔都係俾BB坐,
拎返來睇下啱唔啱用....原來係活動櫈仔來!
又OK喎!
第一次坐上去, 兔寶寶少不免左攪右攪.....
坐上去食咗幾餐飯, 兔寶寶都幾鍾意呢張活動櫈仔,
咁我暫時就俾佢用住呢張先(好彩呢張都幾易抺),
等佢大少少可以自己食先用返chicco果張high chair.
女呀女, 呢度好多姨姨睇住, 你...可唔可以斯文返少少呀?
********************
上次整芒果慕士蛋糕買咗一份芒果,
剩返兩個擺到熟透了;
面果層JELLY用咗半包JELLY粉,
於是用呢D剩餘物資整咗幾杯芒果布甸.
屋企啱啱無晒牛奶/花奶, 於是用咗高鈣無糖豆漿去整.
起初都驚味道會怪怪地, 好彩D芒果夠熟夠香,
完全遮晒D豆漿味, 雖則無用花奶咁滑,
不過就無咁肥又高鈣, 健康好多嘛!
最緊要係唔洗我買咗一罐花奶返來用少少!!
沒有留言:
張貼留言