一早知兔寶寶表哥有一張high chair 留俾兔寶寶, 之前見兔寶寶仲未識坐, 大少又話張櫈剩係可以坐, 唔可以俾BB瞓响度, 加上屋企地方有限, 所以唔拎住.
宜家兔寶寶除咗瞓覺, 都唔肯瞓BB床, 同佢响梳化坐一來危險; 二來佢嘅"黃金右腳"實在太勁, 佢一路坐就一路踢到我同大少叫苦連天....(大埔有位小學雞, 我家就有個BB雞....
)頂唔順喇, 尋晚大少終於攞咗張high chair返嚟喇!
原來果張係我一早想買嘅搖搖high chair嚟嫁! 早知早D攞返嚟啦!
兔寶寶第一次坐上去嘅時候好開心呀, 笑到咔咔聲; 我仲開心呀, 以後我可以一路上網, 一路睇住佢, 得閒搖兩野...諗起都覺得free呀!!
今朝擺佢上去, 搖幾搖仲瞓著咗添......囡呀囡, 你唔好俾我咁得閒好喎, 你daddy見到又話我响屋企嘆世界架喇!!!
*********************************************************************
沒有留言:
張貼留言