Dinner Buffet @ 萬怡酒店MoMo Cafe

6月1日  星期六  晴天

續: 放假一天

响永安買完野, 我地搭的士過西環,
BOOK咗六點半食團購返來的自助餐.

早咗五分鐘,
未有得食, 同DADDY影吓相先!
DADDY話要影錫錫喎~



呀B求其敷衍"哄"個頭埋大少度當交差,
就掛住玩D兒童餐具喇!
呢度供應埋兒童用刀, 新C坑係要貪得意吓嘅...

錫媽咪就要專注D, 認真D...

有得食喇!
第一轉,
攞咗蟹腳、蝦、 小龍蝦和煙三文魚.
吃了一條蟹腳後, 覺得頗咸,
加上要餵兔寶寶(佢忙住玩餐具呀!),
所有要搣殼的全部交給大少負責.

這是鮮魚清湯, 幾好飲,
不喜歡魚湯的話也有蘑菇忌廉湯和豬骨蓮藕中湯.

沙律類, 中間的是貪心拿的焦糖燉蛋,
兩片蕃茄焗龍脷柳是拿給呀B的....

這些龍脷柳, 兔寶寶一共吃了六塊,
專登用隻小碟來取.

忙著剝殼的大少和掛住食的兔寶寶...

大少總共剝了大半碟蟹肉給我,
成座山似的.
可惜我吃了大部份才記得影相,
唔會無下次掛?!


沙律菜算係呢度幾好食嘅野喇!
減肥中的大少吃了兩大碟.

基本上呢度都無乜好食,
無魚生、無壽司, 更加無生蠔喇.
除咗焗豬柳、咕嚕肉和渌粉麵我無食之外,
有嘅野我都食齊晒喇, 連雞翼都食咗兩三隻,
下圖白色果粒係沙律櫃攞嘅馬蹄.

甜品有Movenpick雪糕,
包括朱古力、雲呢拿同士多啤梨味,
也有同牌子的檸檬雪葩, 我怕酸, 沒有吃.

呢度D甜品都唔多,
蛋糕看似有三款, 不過食落係差不多味的,
因為好快吞咗落肚, 都費事出去拎多次來影相了.
呢D pancake, 禁個製等一分鐘就出一塊,
熱辣辣加埋花生醬都唔差嘅,
我食咗三塊.

生果有西瓜、哈密瓜、密瓜同火龍果.
宜家都好難搵到D唔甜嘅西瓜, 响呢度就有得食喇!
睇吓兔寶寶食得幾有型!
係呀, 大家有無發現佢無戴個圍兜呀?
因為D野吸引唔到佢自己攞嚟食, 連戴都慳返呀!

呢度無野飲架, 係臨尾包杯餐茶!
係後尾我發現有壺叫蜜桃汁嘅野, 可以自己倒來飲.
味道似罐頭桃----入面D糖水,
梗係無俾兔寶寶飲啦!
佢見到都唔吼呀, 飲水好過!

呢度差過上次去利景多多聲呀,
計埋團購價錢係平些少, 但計埋的士錢又差不多.
不過咁,

呢度都有野係值得一讚嘅,
就係D侍應都幾友善.
由於無乜客, 佢地都幾得閒,
主動走埋嚟同兔寶寶玩...

臨去餐廳之前我响便利店買定本兒童雜誌以便不時之需,
兔寶寶好好眼呀,
一食飽就膘到本書仔,
好開心咁拎嚟睇~

睇兩睇梗係要搵D野來玩吓啦~

Peek-a-boo!!

之後仲瑜伽大師上身即席表演,第一招, 彎腰頭胸腹貼地...

第二招...
Er...Sorry!
大師太高招, 唔覺意入咗定!
DADDY快D抱返呀大師入BB車啦!