雜記

6月2日  星期日  晴天

由屋企行過兩條街有好多野食,
近學校嘅關係, 仲有學生餐供應添!
就算唔係學生都無所謂,
下午茶時間都好抵食.
呢碗鴨胸拉麵連飲品只係三十幾蚊,
平過晚市一半有多!
湯底都幾好味架!

大少唔鍾意食拉麵,
所以永遠只有我同兔寶寶嚟...
其實呢度D牛肉飯都好幾食架!

***************

上次段video大家係咪以為我好嘆呢?!
話佢係揼骨妹就純熟攪笑姐,
實質佢係模仿我搽body lotion嘅動作!
初頭我都好享受有人幫我搽埋嘅,
BB柔軟嘅手响皮膚上摸吓摸吓又幾舒服.
不過兔寶寶好似搽上癮咁,
一見支cream就搽完一層又一層,
係咪沖完涼都搽, 攪到我本來乾性嘅皮膚都油淋淋...
宜家我沖完涼都要躲响洗手間搽埋cream先走出嚟,
D cream直頭唔可以俾呀B睇到呀~

搽完cream, 去飲茶,
兔寶寶呢個嘟咀LOOK好攪笑.

大少抱住呢個性感女郎唔捨得放手!

食飽飽, 臨走前兔寶寶掟個靚彎走上台,
當眾表演跳舞....
勇氣可嘉, 姑勿論舞姿如何,
理應掌聲鼓勵...
可惜台下無人理佢呀!