10月20日 星期六 晴天
記: 10月17日 長沙宿營之旅: 第一天
呢一日兔寶寶唔知係咪有預感嚟緊幾日會好好玩,
清晨五畸幾就起咗身, 玩失眠呀~
攪到我呢個呀媽都無覺好瞓....
兔寶寶: 我一早起身準備做背囊友!記: 10月17日 長沙宿營之旅: 第一天
呢一日兔寶寶唔知係咪有預感嚟緊幾日會好好玩,
清晨五畸幾就起咗身, 玩失眠呀~
攪到我呢個呀媽都無覺好瞓....
約咗家人11:30a.m. 先在佐敦飲茶,
都係叫果D野食啦, 有D成日吃嘅食物都無影相喇~
最抵係呢個餐, $98有一碟燒味再加一碟炒粉麵,
我地揀咗兩隻乳鴿加一碟肉絲炒麵.
食飽飽, 我地就花十幾分鐘行去天星碼頭,
搭渡輪過中環.
大少要返工, 今次嘅宿營無佢份架!
不過佢都有嚟飲茶+送船.
三隻小豬影返幅相留念先!
坦白講三個人著住呢D家庭裝响條街上走都幾"揚眼",
好在大少好快就回家, 我同兔寶寶著母女裝就無咁礙眼了.
大少又捉住呀哥影相...
等船時兔寶寶已經好興奮喇!
去到中環, 我地就行過隔離港外線碼頭搭船去梅窩.
今次我地搭快船,我覺得隻船幾拋下,
有少少作嘔作悶.
好在兔寶寶無任何不適, 仲同呀婆玩得好開心.
坐咗40分鐘左右, 就到達梅窩了!
我地先在市集買些吃的和喝的, 預備晚上BBQ.
今次呀哥book咗長沙政府渡假别墅, 從梅窩搭的士,
大概五十幾蚊就可以了. 我地住八号別墅,
裡面傢私電器以至煲煲叉叉等用品一應俱全.
先參觀客廳. 比我家大很多呀!!!
呀公獨霸了一間主人房,
這間房還有私人洗手間呢!
反而大果個洗手間忘了影相..
這間房有兩張雙人床, 我們三婆孫就住這裡.
這間房有兩張單人床,
兔寶寶舅父就是住這裡喇!
廚房很大, 有微波爐、焗爐、飯煲等,
廚櫃裡也放滿了各式乾乾淨淨的廚具和食具.
兔寶寶發生乜野事?
原來當大人忙於安置各樣雜物時,
兔寶寶卻樂此不疲的玩弄著電視的開關,
結果被呀公掟上梳化....
喊到咁可憐, 俾個電話你玩喇~~~
哼! 佢唔要添呀!!
安頓好晒之後, 我地走咗去下長沙泳灘,
行大約5分鐘就到喇!
時為四點幾五點, 太陽好靚呢!
之前去過沙灘玩得好開心嘅兔寶寶,
沒想到今次竟然會怕沙,
雙腳撐到衡一衡, 唔肯赤腳落地!
舅父嘗試抱兔寶寶睇下浪玩下水,
等佢無咁驚青...
不過都係無用, 兔寶寶好扭計呀,
不停哭鬧, 係咪肚餓呀?
頭先BB响酒樓唔係食咗好多野咋喎!
於是我望住呢個咁靚嘅海灘....餵奶!
不過都係要著返對鞋先肯踩D沙...
未幾, 呀公發現沙灘盡處有條路可以行上一個涼亭,
於是我地行上去,
企高D, 風景更靚呢!
响呢度我地影咗唯一一張大合照留念喇!
****************
行返落個亭,
沙灘嘅另一邊有一石灘,
呀公兩三步跳了上去一塊最高的石頭上,
並示意我們行上去.
兔寶寶當然係由大人抱著上去啦!
不過佢都感受到自己身處險境,
泣不成聲呀!! 嗚嗚!
對於行慣山嘅呀公來說, 呢D石當然係小兒科啦!
平日只行平路的我, 就要小心翼翼地慢慢扶著行上去,
更枉論才剛剛會走路的兔寶寶了...
兔寶寶: 嗚嗚....人地係BB嚟架~~~
*********************
行返落沙灘, 我地發現一個奇境:
呢隻牛牛真係識嘆呀, 响度吹海風!
兔寶寶呢?! 無論是對牛或是對狗,
都一概稱呼"汪汪", 夠晒一視同仁~
想話叫佢落地影吓相,
唔知呀B係驚隻牛定係頭先行石灘嚇親,
佢連著住鞋都唔肯落地呀!
玩到咁上下, 要行返去渡假屋了.
途中我地遇到一群牛呢!
渡假屋外貌....
返去之後,
我就準備食物, 呀哥負責"透爐",
呀公同呀婆就教兔寶寶玩康樂棋.
不過橫睇掂睇兔寶寶都係似撐船多D囉....
由於D肉類來不及解凍,
我地食住D唔洗燒烤嘅先...
有超市買嘅即食沙律、呀公落order要煲嘅蕃茄薯仔牛肉湯、
仲有我帶去煲嘅五花茶(圖為茶渣)...
一燒好兔寶寶當然係第一個食先啦!
不過食咗兩啖,
玩咗成日嘅佢就忍不住瞓咗了,
瞓果時佢個口仲含住一塊雞...
今次我地預多D食物, 食唔晒就留來當早餐!
除咗雞牛羊豬之外, 我地都有食好多蔬菜架!
(續)
沒有留言:
張貼留言