又係我地D相--- 2013家庭照(二)

6月23日  星期日  陰天

又係我地D相呀!
成88張咁多...
放心我唔會遂張遂張post出來的,
咁樣我諗連大少都無心機睇!
事實上揀相後期我都feel到佢都睇到悶,
問親佢都係"你話事啦!"

我將佢地合拼成28張,
一來易D睇,
二來可以借位遮一遮側面穿咗崩嘅地方.呢條紅色裙仔有D似"大長今"!

又係拋汽球...

兔寶寶實在太喜歡玩汽球了,
但我買過一包俾佢, 佢响屋企又唔多點玩.
要佢拎住第二D玩具影相,
佢C都要起身玩汽球!

係咪拍得好有動感呢?!
因為呀B完全唔肯坐定定!
所以平時我幫兔寶寶影相,
都要佢食飯時影先唔會鬆郁矇,
始終我同我部相機都唔係專業嘛~

呢一part本來係無大人份,
但呀B堅持要走來走去,
攝影師哥哥無辦法,
要父母坐埋落嚟捉住兔寶寶.
就係咁我地又多咗D出鏡機會喇~

我同大少成日耷下頭,
係因為要"唧"兔寶寶笑!(下面兩張大少個似玩電話多D)

唧唧吓有人嘟咀..

好艱難先引到兔寶寶自己一個坐响張毛毛地毯度!

(續)