又係我地D相--- 2013家庭照(三)

6月24日  星期一  晴天

今個星期無乜特別野發生,
加上呢幾日我同兔寶寶都留响屋企食多,
一碗飯一碟菜又一餐, 都無乜好寫.所以呢, 今次批相分咗四次來post,
嘻嘻, 唔好怪我呃post呀~

到我地換另外一套衫,
而兔寶寶亦換上第三套衫,
呢套衫係上年公公買的.
見差唔多一個color tone,
影出來效果比較柔和.
這時候兔寶寶已進入狀態,
愈笑愈燦爛了.

BB有返咁上下重,
大少你頂得住無呀?!

之前講過果度係無更衣室的,
studio內都無鏡子,
換完衫之後頭髮有點兒亂了也不知.
不過我地都唔係完美主義者,
大家都覺得無乜所謂, 唔係亂到好似雀巢咁就得啦!

拎住沖涼鴨鴨做道具,
叫佢俾又真係肯俾, 幾大方喎~

兔寶寶你對眼咁鬼祟,
以為我地响你後面整蠱你呀?!

轉個黑色佈景...
兔寶寶其實唔太LIKE黑色的,
有時我著住黑色衫佢都好唔滿意咁要我換衫先肯走埋嚟食奶.
要用更吸引嘅玩具先可以令佢乖乖坐响度.
太過專注研究D玩具, 無乜表情呀!


好喇, 又去換衫喇~

(續)