有相睇喇~ 2013家庭照

6月22日  星期六  炎熱

昨日提到我地星期三走咗去影家庭相,
其實我都係响網上買嘅團購package,
本來係包一小時攝影, 同30張相嘅soft copy(未計執相).
價錢只係九十九蚊!
雖然地方係遠咗D, 但都好超值.
更加抵嘅係額外每張相只係加5蚊!
坦白講佢D相無之前响FACE嘅影得咁好,
我覺得佢無乜打燈, 估計佢係想sell人加500蚊執相.
(佢都講明執相係補一補光, 同遮一遮邊位D雜物)
加埋佢俾我地揀相時用果部projector嘅質素唔係咁好,
D相睇上嚟比較暗,
反而用返自己部電腦睇好好多!
抵唔住佢每張相只係加5蚊嘅誘惑,
再加埋大少常掛咀邊嘅口頭禪: "點都要俾人賺D嘅!",
我地一共買多58張相, 計埋package包嘅30張,
好意頭88張.

第一套衫, 玩波點...
呢幾張兔寶寶剛剛瞓醒, 要熱吓身先!


上次買一套三件家庭裝,
除咗影相之外, 都無乜點著.
而且太"作狀"了.
今次上網買咗兩套情侶裝,
專登避開D T-shirt款, 揀D無咁誇嘅,
即係行出街都唔多覺係情侶裝果D.
咁影完相著得返嘅機會大D!
而我係就返兔寶寶D衫來買的,
等佢都可以match到!

宜家先開始笑!

著住波點衫玩波波!

轉個睡房佈景...

間studio都有頗多玩具提供架!
而且個攝影師都幾有耐性.
拍攝前一日仲專登來電詢問吓我地會帶D乜野衫, 有無道具等,
都很細心.
佢應該係one man company,  由拍攝到執相、應酬客人都係一個人攪,
係weekends會有多一個女攝影師幫手.
而且佢無更衣室, 要換衫時個攝影師就會離開studio,
俾你一家人鎖埋門換.
不過咁, 整體來講呢間studio都佈置得頗舒適,
揀相嘅地方有如一個客廳, 俾人一個放鬆嘅感覺.

難得嘅係怕男人嘅兔寶寶都好快接受咗果位攝影師哥哥,
笑得很開懷.

好喇, 換衫LU!!

(續)