前日大少放假,
本來較啱時間等佢跑完步就一齊陪兔寶寶上playgroup.
點知我老人痴呆又發作,
記錯時間遲咗足足半個小時先到(因為轉過堂, 所以同上次唔同時間)
不過遲有遲好, 原來呢一節係由另外一個老師負責;
基本上成堂都係坐响度;
教個E字嘅發音,
同學咗elephant、egg、envelope仲有elk呢四個字...
除咗elk呢個字, 其他三個字呀B一早已經識了(係唔識點讀envelope姐).
所以佢雖然係上半堂, 但都坐唔定,
要扭去playground度玩...
最忟嘅係大少竟然話有得佢!!!!
我費盡九牛二虎之力先可以捉得住兔寶寶繼續上堂.
到放學時我同職員提出, 轉返去唱遊班,
否則唔洗旨意呀B有心機上堂!
呢一節嘅遊戲時間好短,
意猶未盡嘅兔寶寶最後大喊著走!
真係要對同一部升降機嘅人講聲唔好意思,
我個女嘅喊聲可能已經令佢地嘅聽覺受損!
上完堂, 沖沖地在麥當奴吃點東西,
又要趕路了.
我地約咗去影家庭相呀!
搭的士嘅途中, 兔寶寶又睡著了.
今次間studio响西環,
我地仲有小小時間行吓海味街.
傻佬坐响studio度等攝影師...
攝影嘅時間係一個鐘,
好快就揀埋相.
我地無加錢執相呀, 自然D咪仲好~
(其實係姑寒喇~~~)
但揀相都揀咗大半個鐘.
之後又沖沖趕返落銅鑼灣打邊爐,
等的士等咗成十分鐘, 大少仲响條街度發晒火...
我地响德興訂咗位.
一坐底大少即刻叫返兩枝啤酒降降火
, 而兔寶寶呢, 就起勢啜橙汁,
話咁快就飲咗半杯.
飲勝!
呢個時候唔係打邊爐嘅季節吧!
我覺得D材料好似無咁新鮮咁...
但大少就好滿意喇....
愈來愈發覺佢好似唔識分乜野係好食, 乜野係難食...
兔寶寶食食吓扭爸爸抱,
原來係有意圖的!
佢以為杯啤酒係"汁汁"...
唔通係檸檬汁?!
喂喂, 小朋友, 酒精係18禁架!
你都係畫吓畫好過啦!
食完飯行返屋企,
經過一間bouti, 大少又玩野...
好LU, 返屋企LU,
响後面睇, 兩父女幾襯!
後記:
有幾位blog友問及兔寶寶初嚐啤酒的反應,
佢LAM完一啖之後好似飲醉咗咁,
又笑又拍手又想跳舞,
之後仲要追酒飲添!
呢條片係佢想再試飲嘅情景,
當然, 我地無再俾佢LAM!!!
http://www.youtube.com/watch?v=FkFFvT1ens4&feature=player_detailpage
沒有留言:
張貼留言