海洋公園四個半小時之旅

7月17日  星期三  陰天

老爺上星期尾俾咗兩張海洋公園入場卷我地,
16号就夠期架喇!
大少本來又話攰又話悶又話請唔到假叫我送咗俾人,
响我威迫利誘下, 佢終於同意返工之前同我去幾個鐘!

就係咁, 雖然星期一唔係太好天,
我地都去咗玩半日!


去到果時太陽都幾猛, 仲以為天公造美添!
影呢幅相果時我仲要用傘遮太陽~

第一站, 先去睇熊貓.
佳佳瞓咗, 呢隻係安安.



兔寶寶對安安很感興趣.

呢果位置仲有金絲猴睇!

行出熊貓館, 見到呢隻熊貓雕像,
再教多一次呀B呢隻係熊貓...
兔寶寶不斷指住佢話cat呀!!!

海洋公園做緊"夏水禮",
多咗D遊戲係俾人濕身玩嘅.
當日就見有D小朋友著埋泳衣來玩這條滑梯.
大人都玩得架, 不過眾目睽睽下要著泳衣玩D咁嘅野,
我就唔見有大人玩囉~

呢條海豚會失驚無神噴水出來!

兔寶寶做乜事咁嘅樣?!

經過一個涼亭有隻大熊貓陪人影相,
見唔洗排隊, 兔寶寶响亭外又友善地同佢say hi,
我地先行入去咋!
點知呀B原來睇得唔打得, 行埋小小都唔敢,
要幾位工作人員姐姐來安撫佢~

之後行咗入去呢度睇金魚,
睇咗無耐就開始我地嘅濕身下水禮LU~

為咗避雨, 我地行入一間餐廳度等~
兔寶寶腳掌位置突出BB車雨檔, 淋到濕晒;
我地都唔好得好多, 鞋襪和褲管盡濕.

Sorry, D野食真係太貴,
一份燒味飯連飲品要$128,
我地嚟之前又食咗早午餐, 只係叫咗籠叉燒包.

食完籠叉燒包, 雨勢弱了很多.
於是我們就行去纜車站.

呀B响纜車上氣定神閒, 一D都唔畏高喎~

沿路都毛毛細雨, 睇到D黑雲,
之後果幾小時都無好天過.

言談間發現兔大師把握時間在空中入定了.

去到山頭另一邊, 來到冰極天地探企鵝.
兔寶寶好鐘意睇一套企鵝嘅卡通, 拿拿林拍醒佢!

D企鵝好得意架, 有D仲好活躍,
D行為動作同卡通片差不多.
不過呢度好凍, 我地淋過雨濕咗身就更凍了.

兔寶寶比我更加唔怕凍..

睇完企鵝, 呢邊無D啱小朋友玩嘅遊戲,
鱘龍館同水母館我地又不感興趣,
於是搭海洋列車去返另一邊.
落車見旋轉木馬無乜人,
於是排咗陣隧玩.

其實應該叫旋轉海鮮先啱!
唔好睇兔寶寶影相呆呆滯滯, 佢玩果時有笑架!

海洋公園真係一年三百六十五日都咁多人,
包括落雨天, 因為大部份係自由行!
因為D強國人呢條魚唔坐果隻龜唔坐,
又唔識自動自覺扣安全帶,
由坐底到開動要擾攘好耐!

玩完行過人工湖又影下相.

再次行經海洋館, 終於無咁多人.
入場果時行過D人要打蛇餅入去!
去咁多次海洋公園都未見過咁情況,
(以前讀書都會暑假去, 當時未有自由行)
好天的話應該仲多人!

悠閒的魚類~

兔寶寶當咗係自己屋企,
棟高隻臭腳!

行出小商店, 我地又攪攪震..

仲無幫襯~

因為又落大雨, 無路可走,
於是再行入多一次海洋館.
兔寶寶見到乜野咁驚嚇?!

再次離開海洋館,
也就是我們離開海洋公園的時候了.
以為三點幾會無乜人走, 的士站照舊排長龍,
而入口處又有大一批人蜂擁而至,
人來人往, 真係賺到笑.