今日下午呀媽嚟咗探兔寶寶,
快手做了這個白汁焗蝦仔火腿螺絲粉,
作為三個大人的午餐.
先用牛油炒洋蔥, 再加兩大匙麵粉(大約)炒;
加入大半杯低脂奶, 拌入火腿絲,
我仲加埋雪櫃剩餘物資一條腸仔+兩塊魚腐落去.,
仲有少少cream响雪櫃, 又加埋落去.
1L的淡忌廉終於用光, 唔需要再心掛掛了....
個汁攪掂, 就可以撈埋七成熟嘅螺絲粉,
面頭鋪上油泡蝦同芝士,
(油泡蝦係兔寶寶嫲嫲整的, 可以連殼食!)
焗至芝士金黃, 食得!!!
兔寶寶又有利是收....
做乜仲咁苦口苦面呀??
媽咪唔俾放入口咬囉!!!
同婆婆影幅相先啦, 睇吓婆婆笑得幾開心!!!
兔寶寶唔抵得大人掛住傾計唔理佢,
响度呱呱叫,
婆婆一抱佢,
即刻變臉, 笑返晒...
好蠱惑~~
跟住仲同婆婆落街,
買咗佢人生之中第一個燈籠.
婆婆想買兔仔款式,
我就選擇咗呢個有轉燈有聲音仲有個風車仔可以吹到入面D雪郁吓郁吓嘅,
有多D野吸引兔寶寶注意.
Hello!! 中秋節快樂呀!!!
沒有留言:
張貼留言