鯪魚肉麥皮 & 鮮牛肉麥皮

2011年10月20日下午5:24

平日晏晝如果唔出街食飯,
都係煮吓粉粉麵麵咁,
日日食嘅都係差唔多;
有時無時間就買麵包同蛋糕返來食,
好彩大少都唔會投訴!!
當然唔可以日日係咁,
打斧頭都唔可以做得太明顯嘅....

以前我都會煲吓粥,
而家就多數煮麥皮 ,
一來有益D,
二來又快又方便;
三來係我覺得好食過粥!!

無論係即食又或者快熟麥皮 ,
我都會用明火煮,
煮過嘅麥皮好食好多!!
通常包裝袋上面都係教人將麥皮加落滾水度煮,
但係我試過很多次,
亦試過不同牌子,
用滾水開係好易整到D麥皮一舊舊...
所以我煮麥皮只係落水喉水,
煮起上來唔會一舊舊,
水滾先至用木匙攪吓佢就得....


鯪魚肉麥皮

鮮牛肉麥皮
呢個麥皮煮法我介紹過俾D本身唔鍾意食麥皮嘅人,
佢地都覺得好食同接受到,
除非佢本身連生滾粥都覺得好難食!
兔寶寶未出世之前大少都肯食吓水煮麥皮;
唔知佢係未而家食多咗我整嘅野,
要求高咗, 要有餸先肯食,
呢個鯪魚肉麥皮/鮮牛肉麥皮好似生滾粥,
如果落凍水煮麥皮的話見D水開始滾就可以落埋D餸料,
即使係咸麥皮都好, 我都會落少少牛奶落去,
除咗個色靚D之外, 仲會滑好多同好食好多!
臨尾加埋D生菜絲/青瓜絲落去我就當係均衡嘅一餐喇!!

兔寶寶: D麥皮咁似粥仔嘅?! 我都啱食喎~~

兔寶寶: 快D俾我試吓啦!!