解壓茶

9月6日  星期四  晴天

尋日同大少傾過兔寶寶上playgroup嘅問題後,
佢得出一個結論: 我太過傭人自憂!
佢始終認為兔寶寶係很聰明乖巧的.
為了能令我輕鬆一點,
大少提出了解決方案: 好好地大吃一餐!
於是我地又有藉口出去飲茶了!

兔寶寶: 媽咪你今日有呢餐茶飲,
             都係我嘅功勞咋!!

*******
去到酒樓樓下, 兔寶寶又瞓著咗.
最近開始都唔俾佢瞓太多晏覺,
免得佢晚上太夜瞓(七月節呀!)..
一去到酒樓就拍薑咁拍醒佢.
兔寶寶都幾頑強架, 拍極都唔醒.
最後相熟嘅酒樓經理見狀,
唔知响邊度摷出兩隻扭蛋,
睡眼惺忪嘅兔寶寶本來只是打開了一絲眼睛,
一見兩隻扭蛋卻突然彈起, 嚇了我們一跳呢!!


兔寶寶: 原來係唔食得嘅, 早D講嘛~

*************************

呢一餐又係無乜點影食物相, 免得大家睇厭了...


叫了一枱食物,
無可避免地有些餐具和食物會較為接近兔寶寶.
盡量把一些又熱又危險的搬開就是了.
眼見一碟春卷就在面前, 兔寶寶機不可失,
自己攞起一舊來吃...

兔寶寶: 媽咪, 呢D叫"近水樓台得春卷"呀!!

食完春卷, 我地再夾一舊豆腐俾佢,
佢就用支牙籤左篤右篤.

食舊豆腐都要咁多個表情,
唔做舞台劇真係嘥咗佢~

食完豆腐, 又有新目標,
今次係芒果布甸...

攪到舊布甸核核突突咁,
唔緊要, 有全天侯媽咪執手尾...



食到烏咀 咁,
不過媽咪就好開心, 憑住咀角留下嘅布甸做証明,
兔寶寶真係識用匙羹"畢"野食架!

******************

兩父女玩乜野玩得咁開心?!

飲完呢餐"解壓茶",
大少安排咗另一個新奇刺激嘅節目俾兔寶寶...

呢樣野就係....BB跳樓機!!

睇完記得唔好噓呀!!http://www.youtube.com/watch?v=WUl9Fw74V_g&feature=player_detailpage