藥煲

8月26日  星期日  晴天

今日真係唔好彩,
本來約咗家姐仔去九龍公園游水,
著好晒泳衣搽好晒防曬去到先知因為電力故障泳池無開,
我同兔寶寶都好失望呀!
咁唯有去牛屋食個LUNCH, 再去ELEMENTS行吓啦!!

***************************

上兩個星期, 大少認為自己夜尿頻密咗,
睇過西醫,
西醫認為佢係緊張做成(也叫 膀胱敏感).
西醫做法是可以吃一些藥物令膀胱收緊.
雖然這些藥無什麼副作用,
但始終治標不治本.
於是大少決定睇中醫去.
我帶咗佢去我坐月時睇嘅中醫, 
名聲很不錯(在我區來說),
希望調理吓情況會好些.

兔寶寶: 我食咗DADDY D藥夜晚未唔洗"纜"片片囉?!


以前我睇中醫都係"代煲"的,
今次預計大少要食一段時間藥,
計過條數都係買個煲自己煲好d.
而且自己煲仲可以"翻渣"煲多次, 無咁嘥野.
睇完一輪, 最後响日本城買咗個煲回來.

兔寶寶: 定係叫DADDY"纜"片片咪唔洗食藥囉!!


店員說當藥煲至剩下一碗水時會跳到去"保溫",
又會有聲音提示.
第一次用, 怕miss咗聲响, 差不多時間就企响個煲隔離睇住佢煲,
等呀等, 等咗好耐, 聞到d藥都幾乎煲到燶燶地了,
佢都仲未自動跳去"保溫".
我倒d藥出來睇吓, 得半碗水都唔夠!
原來個煲係壞的! 仲要嘥鬼我d藥!
第二日立刻去日本城換過個, 真係激c我!
我家附近的日本城只賣一個牌子的藥煲,
想轉第二個牌子都唔得!

換過個新嘅返來, 好了,
原來店員over-sell咗, 這煲是無聲音提示的,
煲出來也不是一碗水, 而是得小半碗.
於是我煲藥時久不久要"裝"吓佢,
到差不多時又要倒出來量吓夠一碗水未,
超麻煩...
就係呢個煲!

呢個牌子!