團購: 仕德福山景酒店自助晚餐

1月6日  星期日 寒冷

續: 行工展會
去完黃埔, 我地就打的去尖沙咀,
book咗6:30食自助餐.

餐卷係來自Yahoo!團購嘅,
每人$199再加一($3X).
買咗coupon之後上openrice睇吓,
慘喇, 幾乎個個都係俾喊面,
comment似乎唔多好...
於是我一早就同大少備定案,
話你唔好當去酒店食自助餐,
當去漢X苑食韓燒啦!

去到都未到18:30, 我地仲有大把時間,
兔寶寶一見相機又嘟咀...

可以早少少入座, 睇吓有乜食先~
沙律...


生蠔...
睇吓好喇, 係唯一一次有咁多存貨响度,
而我亦好彩夾到一次, 唔係就無架喇!

生果...

熱盤有羊扒嘅, 不過我見只係refill咗一次...


仲有焗青口, 冬陰公意粉, 咖喱雞, 炒飯等...

未有得食住,
大少識做地幫我地兩母女影相,
不過兔寶寶玩野, 又扁咀又DUM低頭...

自拍喇! 自拍呀B望到自己個樣會好少少...

到媽咪玩野整蠱做怪...

兔寶寶想有樣學樣~~
可惜鏡頭太細, 呀B又跟唔切一、二、三之後伸脷,
影幾次都係miss咗..

再嚟一次唔得就換人呀吓!
一、二、三....
得咗!!!
原來兔寶寶同大少一樣,
條脷都係又圓又短的...

好喇, 食得!
之前講過啦, 生蠔係有限量供應嘅,
除咗第一round之外, 跟住都係幾隻幾隻咁出...
間餐廳雖然係唔多人(真係慘, 做埋團購都係咁少人..)
加上對到正生蠔果張枱嘅食客就一出"立"晒,
有幾多拎幾多, 最抵係佢地喇!
不過都唔怪得佢地嘅, 根本係供應有問題.
因為我一早就知有咁嘅情形發生, 食過就算喇!
無勞氣, 亦無激氣...

其實仲有其他食物陸續供應嘅,
而且都唔係限量供應,
好似天婦羅呀、燒螺呀、燒牛肉呀咁...

每人送一隻芝士焗扇貝...

刺身類...

因為無期望, 所以無失望;
食D野又唔算太差嘅,
大少食咗好多件羊扒, 佢仲覺得好抵添!
宜家D野咁鬼貴,
咁嘅價錢就唔可以要求更多了.
好耐未去過食漢X苑,
我估宜家晚市去幫襯, 都要咁上下價錢吧?!

無乜影甜品, 其實種類都唔少,
佢係出完一樣就出另一樣咁,
有隻其貌不揚嘅椰絲蛋糕, 好好食..
仲有pancake都OK呀!

兔寶寶!

What R you doing??

檢查過後, 只係手袖揩咗D朱古力,
好彩件冷衫無事..
洗手洗手洗手!!!!

不過始終都係避唔到呢一刧!
洗完手之後, 忘記戴返個口水肩,
兔寶寶就拎起一件西瓜來吃...
結果...條裙仔...血流成河呀!

食飽飽埋單走人,
照原價收加一, 每人三十幾蚊...
行出大堂, 兔寶寶立刻進行飯後運動,
雙腳好似車轆咁...
將來長大了,
可以參加徑步比賽呀!