雜記

終於等到天晴可以去下街街了.
大少今日帶埋兔寶寶同哥哥姐姐一齊玩羽毛球,
我就襯機會蛇吓王, 上下網, 打吓blog...

前日兔寶寶响屋企, 得閒無事就玩吓電話....

女呀女, 可唔可以唔好一日到黑掛住傾電話粥?
幾時傾到八十嵗呀?!

尋日落街食晏, 順便補充返D日常用品..
去咗八方雲集食餃子.
我地叫咗韓式泡菜餃, 即係兔寶寶無份吃!

兔寶寶: 既然我無份食, 等我搵D野攪吓先...

兔寶寶: 咦, 有袋野喎!

我覺得, 如果職業真係無分貴賤的話,
將來兔寶寶最啱做嘅, 就係企响迪士尼門口check人地個bag...
佢真係好鍾意check bag呢項工作架!



DADDY: 你攪夠咪呀?
兔寶寶: 唔~ 你唔想我check bag我可以唔check嘅...

兔寶寶: 咁你請我飲返杯野做"掩手費"囉!!
媽咪: 你拎住個杯, 手勢似吹牧童笛多D喎!

"馬利有隻小綿羊, 小綿羊, 小綿羊..."(請大家自己幻想melody)

兔寶寶: 夠喇, 媽咪, 我真係要飲喇!
             乾晒佢!!



兔寶寶, 你...唔係天真到以為條脷可以伸長到杯底吓話?!
你以為自己係貞子?