B毛

7月27日  星期五  雨天

尋日以為呀爸呀媽會上嚟屋企,
沖定壺靚普洱等佢地上嚟...
點知原來係負責聽電話嘅大少攪錯咗,
佢地唔上屋企喇~
 唔想浪費壺茶,
成壺自己隊晒, 攪到尋晚成晚眼光光,
仲靠害埋飲媽媽奶嘅兔寶寶, 一齊無覺好瞓,
下次都係咪制喇!
*************
尋晚大少個朋友攞咗一大袋二手BB衫來,
好多裙仔呀!
呢袋衫絕對減低我再幫兔寶寶買裙仔嘅意慾呀!
就算買, 都等冬天先!

今朝瞓醒無野做, 同兔寶寶玩吓短髮造型嘅"爸B"...
望鏡頭~


扮睇書, GOOD吖!


未成年嘅model, 港稱之為"o靚模",
BB女做model, 簡稱為"B毛"...
呀B毛小姐, 專業D得唔得, 望鏡頭呀!

咪成日都耷低頭先得架!

兔B毛: 我睬你都嘥氣...

諗住再換多件, 可惜...有人發老脾!

導演, 換人呀!
呢個B毛好唔掂!
*****************
兔B毛: 嗚嗚... 導演, 俾多次機會啦!


之前媽咪已經幫我試咗5套衫,

再加上我本來自修中,
太過掛住本書先會表演失準架咋!