公公婆婆稻香食晚飯

7月26日  星期四  雨天

今日呀公呀婆出咗嚟九龍,
去咗金魚街睇狗仔!
天雨路滑, 只係佢地兩個去, 兔寶寶無份!

落咗幾日雨, BB都悶咗幾日,
莫講話遊樂場, 連街市都無份去...
怪不得見到大少出門口返工,
佢即刻極速爬去門口!

無份睇狗仔, 呀公黃昏時帶返兔寶寶去永安行吓,
又買咗套裙仔俾BB...

晚上去稻香吃飯...

一坐底, 呀公當兔寶寶公仔咁玩,
擺佢上枱對到實, 仲講笑話呀B成晚坐响度得喇~~



咁坐呀公點食野呀?!
都係乖乖地坐BB櫈啦!

坐得兩坐, 呀婆又唔抵得,
要抱住兔寶寶吃;
成餐飯, 呀公講得最多嘅, 係"有得佢啦!"

******************************
大家睇到厭未?
又係大斑兩味, 只因太抵食了...
炒斑塊.

炆頭腩...

再來多一個孖寶...有椒鹽瀨尿蝦4隻.

仲有蟲草花菇菇扒時菜, 呢個孖寶唔記得係$11X定$12X...


再散叫多一碟勝瓜雲耳炒鮮魷..

食都咁上下, 呀公話佢就差唔多夠架喇, 問大少夠飽未?!
我諗住大少應該係咁上下啦,
點知佢老實不客氣,
問叫多隻雞如何?!

大少, 我地唔食得幾多, 叫半隻好喇~~

隻雞燒得好靚,
塊皮又薄又脆, 一點肥羔都無,
唔食雞皮嘅我都忍唔住吃了一塊..

仲有甜品椰王燉官燕...

呀公講明呢餐佢請, 多謝老豆!


**************************************

到差不多吃飽, 兔寶寶又想落地行,
好彩我早有準備,
攞咗一把呀麻俾嘅玩具傘出來.
把傘我特登收埋落手袋, 唔俾兔寶寶見到,
第一次玩先零舍好玩!

始乎呀婆玩得開心d喎!

等LIFT時呀婆同兔寶寶玩上落樓梯...