自從知道有咗兔寶寶, 就同好多媽媽一樣, 都好關心身材同皮膚嘅問題...
未有BB之前, 貪靚嘅我, 無論幾窮, 點都要一個月做兩次facial先得安樂...次要原因, 係咁大個人, 我都唔太識得修眉, 一定要响做facial時攪埋條眉....
响24週之後, 我無返工, 無收入, 再加上想儲多D錢, 同埋唔知美容院會搽D咩响我塊面, 我就已經無去做facial了...唔洗返工, 唔洗見客, 果兩條眉, 就有得佢好似賊咁貼响眼睛上面....
不過唔係太嚇人姐....因為一由我唔洗返工, 夾定都無咁啱, 我就再戴唔到隱形眼鏡了...咁我就去到邊都戴住副粗框眼鏡, 順便遮吓我條眉....
一戴唔到con, 就無興趣化妝了....
成日聽人講, 大肚嘅女人特別美麗....
%^&*(())*&^............
唔睇我副尊容, 單單睇個身, 最主要係腋下同胸部接近"隔甩底"嘅位置, 响懷孕中期, 就被黑色素入侵了...
唔少得嘅當然仲有肚皮上果條黑線啦!
睇書話呢D黑色素, 會响生完之後慢慢減退喎~~
而家可以做嘅, 就係每日好勤力咁搽防晒, 等呢D黑色素唔好落地生根...
呢個星期, 我發現連條頸都黑咗呀.....
好驚會黑埋上塊面到!!!
除咗膚色變黑, 我仲發現, 我個身多咗D癦C呀!
D癦C仲要係凸凸地嫁~~~
剩係個肚臍都有3粒!! 攪到我個肚臍好似污糟咗咁....
呢D又係因為黑色素??!!
***********************************************************************
(待續)
沒有留言:
張貼留言