再去迪士尼(一)

9月19日  星期三  晴天

上次咪買咗兩張團購買一送一嘅入場卷嘅,
規定咗係六月去一次, 九月又再去一次架!
所以剛剛過去嘅星期一, 我地又去咗迪士尼呀!

我地照舊搭西鐵轉迪迪号到達.
見到兔寶寶呆下呆下嘅表情...
係呀, 今次迪士尼之旅最開心嘅唔係佢,
係佢隔離果個呀!

行程第一站, 大少帶咗我去搭上次無玩過嘅迪士尼樂園鐵路.
兔寶寶好興奮呀!

本來打算一開始就去咗新開嘅灰熊山谷先,
途經"米奇幻想曲", 就停下欣賞下3D電影.

今次兔寶寶點都唔肯戴上3D眼鏡呀!

"


睇完電影, 急步行咗去反斗奇兵大本營,
反正係順路嘛!
大少唔肯玩降落傘, 得我自己玩.
仲好, 一個人可以排單人果條隊,
即係唔洗排唔洗等就有得玩.
就算唔係排單人隊, 果日都好少人,
好多遊戲都係排5分鐘就得喇!

呢個降落傘係一D都唔刺激的,
上到去我仲可以攞部相機出來影相.
後尾先知原來兔寶寶都夠高玩(超過80cm),
再問多一次大少玩唔玩, 佢話兔寶寶會驚喎!
好似佢驚多D喎...(大少有D畏高架)



無得玩嘅大少同兔寶寶, 不如一齊影張相扮玩咗吖!

玩完降落傘, 我又去玩沖天遙控車.
叫大少幫我影相, 佢話响地面見我唔倒喎!


跟住又有熱心路人幫我地影全家幅...

跟住就去灰熊山谷LU!
原來果度只得一個機動遊戲玩, 就係"灰熊山極速礦車",
聽個名就知刺激好玩得來而大少又唔玩嘅...
呢架車係會玩玩下向後退, 然後極速闖下來的.
大少唔玩唔緊要, 因為無乜人玩, 我都玩咗兩次,
玩埋大少果份...


玩完兩次落嚟, 原來兔寶寶悶到瞓咗了,
而我就異常興奮 捉住大少幫我影相.

兔寶寶瞓咗, 又係俾我為所慾為嘅時間喇...
等你平時唔俾我夾夾仔同戴帽吖嗱?!

戴咗米妮耳朵頭飾嘅兔寶寶,
唔係咁可愛唧!
我覺得佢似西太后娘娘...

換咗咁多個頭飾都唔醒,
呀B真係幾瞓得吓...

不過呢個西太后都好慘,
一瞓醒就俾佢呀媽迫佢扮太空人...

好喇, 終於有野啱兩父女玩,
我地去咗坐太空飛碟呀!

玩完, 又係佢兩父女呆等嘅時間,
因為呢個呀媽又走咗去玩飛越太空山...
平時攞咗fast pass都要等嘅遊戲,
呢日居然完全唔洗等!
每架車都坐唔滿就開出喇!

之後我地去咗玩巴斯光年星際歷險.

大少遮住晒兔寶寶, 係咪幫呀B擋子彈呀?!

跟住我想話又撇甩兩父女自己走去玩無人駕駛嘅"馳車天地",
點知呢度要等, 仲要等成半個鐘.
我唔想成日好似得我一個人玩咁,
於是出返嚟同兔寶寶影張相算LU!

兔寶寶: 影快D啦! 好曬呀!

由於今次影咗好多相,
我又想仔細D紀錄,
所以分次出blog,
大家唔好嫌悶呀!