兔寶寶睇馬騮

9月18日  星期二  晴天

剛剛過去嘅星期天,
大少一早就帶咗兔寶寶出去同哥哥姐姐打羽毛球.
打完波我就join埋佢地食lunch,
返工之前大少仲帶咗我地去馬騮山睇馬騮添呀!



好多人都襯星期日來到馬騮山睇馬騮,
基本上D馬騮都唔驚人了.
我飲水時仲有隻馬騮想搶我支水...
不過後尾我放支水落地下又無人(馬騮先啱)搶喎!
真奇怪.

雖然餵伺野生馬騮係犯法的,
但依然有好多人餵,
D馬騮食到唔食, 仲識揀野食添!
由於哥哥原來係驚馬騮嘅,
所以我地都無餵呀, 因為哥哥怕一餵D馬騮就群起走埋來...

好喇, 我地嘅兔寶寶見到馬騮有乜反應呢?

睇個樣好似好驚下喎!

莫非要姐姐"傍"住?

非也!
兔寶寶一D都唔驚.
反而係我地驚佢行得太埋, 始終馬騮係野生嘅,
唔知有乜野菌.
爸爸同姐姐想話拖實佢, 佢就好唔滿意呀!

如果馬騮山嘅馬騮都識點名的話,
這天會發現多了一隻-------甩繩馬騮~

兔寶寶: 朋友,  請粒花生我食得唔得呀?