尋晚整咗條瑞士卷,
整果時無打定主意整咩餡,
諗住今日我媽有機會嚟探兔寶寶,
蛋糕底就加咗薑汁,
配埋黑糖, 正氣D嘛!!
今次倒D蛋糕漿入個焗盤時又係刮得唔平,
焗出來個面好核突,
於是反轉咗牛油紙果面向底,
做成反卷...
同埋呢, 我都係未得閒去烘焙店買低筋粉,
明知用高筋粉整瑞士卷唔慌好架喇!
於是去咗惠康買plain flour,
效果無用低筋粉咁鬆軟,
但都OK, 至少食得出係蛋糕先啦!!
如果單單係黑糖同薑,
都未稱得上係奇異.
到整餡料嘅時候,
先發現盒忌廉已變壞了,
樽花生醬又剩返少少,
連果jam都無!
醒起曾經睇過有blogger用奇妙醬做肉鬆卷,
屋企無奇妙醬,
不過有樽同奇妙醬差不多味,
但多咗少少芥辣味嘅辣根醬,
咁就做條古古怪怪嘅肉鬆卷啦!!
哈哈, 好彩我無加朱古力粉落D蛋糕漿度姐,
唔係就超古怪喇!!
黑糖 + 薑 + 肉鬆 + 辣根醬;
呢個配搭做瑞士卷夠古怪未??
不過食落又OK喎!
又咸又甜咁都幾特別!
我問大少食唔食得出有咩味,
佢答我好好味呀!!
沒有留言:
張貼留言