會唔會係兔寶寶出世前最後一個假日呢??
我一早8點幾就醒咗, 食吓野上吓網咁, 11點幾, 正想瞓多一陣, 大少1起身就話皮膚敏感要睇醫生, 佢一個走落街响樓下診所登記咗又上返嚟, 話好多人, 過半個鐘再落去....俾佢騰多兩騰我都唔眼瞓了...
到一點鐘, 就出門去飲茶...因為之前睇到有間酒樓下午茶有任食點心呀....
又食咗好多野呀...
燒賣, 一籠兩粒, 大大粒, 大少食晒....
排骨, 又係豬肉, 我唔食, 大少又食晒...
珍珠雞, 一人一件啱啱好...
鮮蝦莧菜餃, 最好食係呢個...
咸水角, 麻麻地, 個皮好厚...我食咗一隻之後, 另一隻大少都唔吼, 無食到....
皮蛋瘦肉粥...幾好食嫁....兩個人share一碗, 食晒...
鳳爪...
牛腸: 比想像中好食...起初諗住咁嘅價錢D腸粉皮會好似棉胎咁厚....
鮮竹卷: 都OK, 不過飽了....
雞絲粉卷: 唔差, 不過真係好飽....
因為一坐低, 已經急不及待叫甜品:
杞子桂花糕: 呢個係响好飽時食, 都覺得好好食, 清得嚟唔太甜, 大少都食咗件...
頖似南瓜露的東西, 唔好食!
椰汁糕: 我地叫咗3碟, 我自己食咗兩碟.....好味過好多甜品店做的呀! 軟硬同甜度適中...
杧果布甸: 麻麻, 叫咗唔食又好衰, 唯有食晒...
除咗點心同甜品, 仲有小食嫁, 仲要係即炒/即製....
最好食係:
金沙南瓜件....唔係驚膽固醇超標, 我會叫多碟囉...
大少唔食南瓜呢D根類植物都讚好食...
今次俾大少一時偷雞做保長,
係佢禁住我唔俾我再叫嫁......
老干媽四季豆...辣辣地, 幾好食..
南乳齋: 好似我呀媽煮果D咁, 好味呀, 唔小心劃多一碟都食晒....
手C雞: 呢個麻麻....
埋單連兩個茶位同加一, 都係120蚊....
不過, 耐唔耐一次就好...
咁食法, 真係變 ...........
沒有留言:
張貼留言