迪士尼一日遊(一)

6月25日   星期一  晴天

補記: 婚後第二天

婚後第二天, 我地去咗迪迪尼,
我係第一次去香港嘅迪迪尼!
原來由我家坐西鐵, 30分鐘也不用就到達了,
很方便呢!!

六月初我地見Yahoo!出迪士尼團購優惠:
正價$399.5買一張飛, 六月去一次之外,
九月可以再去多一次的門票.
這樣我們不用擔心一次玩不完那些機動遊戲, 而且九月份可以去玩埋新開的"灰熊山谷".


一出地鐵站, 好猛太陽呀, 一路行我都不願停低影相,
直至見到呢座火箭, 噴出來的煙霧好涼快呀!!

    

首先我們排隊玩太空飛碟(太曬, 無影相).大少之前有年票, 成日去迪士尼,
佢話今次比過往少咗好多人, 以前要花好長時間排隊;
今次雖然都要排,
但即使我地無用fast pass嘅機動遊戲都係排咗廿幾分鐘左右.

之後我地就去咗幻想世界去睇"幸會史迪仔",
這套互動卡通不可以拍照, 但我們十分幸運,
在云云觀眾中被史迪仔抽中同"牠"傾計,
果隻史迪仔仲讚我靚女添呀!
又同我地影全家幅, 可惜幅相只係响螢光幕上揚一揚,
無實物俾返我地啦! 不過我會好好記住今次經歷,
因為下次去, 應該都唔會咁好彩被抽中了!

這幅相是臨開始時拍的, 留下當回憶吧!


之後玩小飛象旋轉世界, 又係曬到辣"蘿柚"...
我一直聽人講香港嘅迪士尼好細,
我以為係細到....唔玩呢D野就無野玩!
玩完一日, 我覺得細就係細, 不過唔係無野玩,
(至少我一日都玩唔晒所有野)
下次我唔會玩呢個囉!
除非兔寶寶指住要玩啦! 今次我都唔覺得佢鍾意坐小飛象.

跟住去咗睇3D電影"米奇幻想曲",
兔寶寶點都唔肯戴上3D眼鏡;
不過佢都好乖, 靜靜地唔出聲俾我地睇晒成套戲.
之後去咗玩"巴斯光年星際歷險", 又係無影相呀!!

中途我賣甩佢地兩父女, 用fast pass玩"飛越太空山",
無咗大少响隔離,  我一條友就要同個陌生男子一齊坐喇!!
呢幅相價值一百三十蚊,  咁貴我就梗係唔買啦!
自己用個相機拍低佢就算喇!
不過呢個game真係幾好玩! 响黑媽媽嘅環境玩過山車真係特別刺激!!

玩完join返兩父女, 繼續排隊,
今次排"小熊維尼歷險之旅"...


俾部相機大少叫佢影相, 點知佢都唔知影咗D乜出來,
全程都係影我背脊! 正面嘅全部都矇晒!

幸好迪迪尼幫我地影咗一張,
承惠一百三十蚊, 咁"抵"?!
我地梗係唔買啦!!
但從呢張相可以証明大少真係好用心去影相架!
不過唔係影我咋嘛!!


之後再去玩旋轉木馬......
都係果句啦, 下次我唔會玩呢D野先喇!
因為其他機動遊戲收佢都未收, 可以夜D先玩囉!


嘩! 你地兩父女咁親密, 有無顧我感受呀?
兔寶寶, 媽咪又要錫錫...

不過大少都識做幫吓我影相姐! 算你啦!

**************************

就係响差不多呢個時間,
兔寶寶俾高飛狗嚇親...

既然俾隻狗嚇親,
兔寶寶決定响邊度跌倒响邊度起返身,
走去挑戰另一隻狗.......
於是佢就去咗反斗奇兵大本營入面, 坐吓"轉轉彈弓狗"...


媽咪仲挑戰埋沖天搖控車, 一路玩一路揮手大叫响地面嘅DADDY,
希望DADDY見到會幫吓佢影相.
可惜DADDY盲中中睇唔倒佢,
唯有响下面同條鐵路補返一張.

玩完呢個過山車, 樂園入面好多遊戲設施都關上喇!!

(續)