再去迪士尼(二)

9月21日  星期五  晴天

續: 再去迪士尼(一)

下一站, 我地去咗睇巡遊呀!

其實每次去主題公園,
我最最最不感興趣就是那些表演,
因為得個睇字, 無得俾我玩!
更何況係烈日當空的巡遊!
上次我就"借D二"行去玩其他野而"唔小心"錯過了,
大少很失望呢!
今次佢一早就睇定場刊, 預早計劃定時間睇巡遊..
走唔甩, 唯有擔住把傘睇!

睇相就知, 真係好曬,
好多相片都爆晒光.

咁曬嘅環境下,
演藝人員穿上了厚厚的戲服又唱又跳的,
卻依然笑容滿面.
呢份專業精神真係值得嘉許呀!



雖然係好曬, 而且一路擔住把傘一面影相都幾辛苦,
不過見到兔寶寶睇到拍晒手掌,
咁又好值得睇嘅....

話晒兩父女可以玩嘅野唔多,
見到佢地睇得開心, 我都好高興.

睇完巡遊, 我地去咗嬰兒護理室換片同餵奶,
餵奶房入面用呢D搖搖椅,
兔寶寶飲完奶奶之後自己响度搖搖搖,
好不過癮~

食飽飽後, 又出去行過!
途經一個露天精品店,
大少又試整蠱兔寶寶...

可能呀B都覺得好曬啦!
佢今次竟破例地唔即刻"炆"開副墨鏡喎!
仲俾我地換款添!

大少你就笑得風騷,
戴歪晒兔寶寶副墨鏡, 想點呀?!戴返好D啦!

陳寶珠嚟喇!
Sorry! 係"兔寶豬"先啱~~~

响我地試緊墨鏡嘅同時,
有店員响我地身邊用吹泡泡槍射出很多泡泡,
大唔透嘅大少竟走去問人地借俾佢玩!
大少就玩得開心, 兔寶寶就睇到皺晒眉...
兔寶寶: 咁好玩, 又唔借俾我玩...


經過一輪攪攪震、 無幫襯之後,
我地離開咗小商店,
行咗去玩"小熊維尼歷險之旅"呀!


呢個遊戲大約要排十五分鐘,
等緊嘅時候大少不忘同兔寶寶玩耍.

排隊果時我地傾好咗由我坐後面負責幫坐前排嘅兩父女影相,
但到真係玩果時兔寶寶被D公仔吸引住, 唔多肯望鏡頭呀!
同三個月前比較, BB今次係明顯"識玩"了.

由於兔寶寶坐蜜糖罐坐得很開心,
玩完一次之後我地仲攞咗fastpass等遲D再玩多次添!

******************************

大家仲記唔記得對上一次去迪迪尼,
兔寶寶俾隻高飛狗嚇到大喊呀?!
<三個月前>

响真實世界入面, 呀B宜家係絕對唔怕狗的,
我地常行經一間寵物美容店,
每次經過兔寶寶都要入內同店入面嘅兩隻狗玩,
唔單止摸佢地, 仲夠膽用手指掂狗狗條脷....



三個月之後, 兔寶寶再遇高飛狗,
應該無事吧?!
今次我地專登走入"夢想花園"搵返呀高飛狗先生去求証一下.

YO! 洗乜驚呀!
你睇呀B幾淡定~



呢一幅仲好似有少少笑容添!
唔知影單人照會點呢??

我同大少想話閃開俾兔寶寶同高飛兩個影合照,
呀B一見勢色唔對, 即刻捉住DADDY唔肯放手,
仲...大哭起來!

哎呀! 歷史重演呀!
高飛呀高飛, 點解呀B咁驚你架?!

但當我地行去第二個涼亭找Pluto,
兔寶寶反而平復返, 仲夠膽摸佢添!
真係同狗唔同命呀!

(續)