今日(星期四)天氣好好呀!
不過兔寶寶就唔係咁好喇,
呢幾日個屁股都有D紅點.
同咗佢塗咗尿疹膏, 換片換密咗,
本來都可以叫做康復中;
點知今日佢有些少肚痾(早上痾咗兩次, 便便有些爛),
平時佢每日一次架咋!
我都唔知佢痾第二次嘅情況下個pet pet又再醃住咗!
紅"籮柚"復發!
我估佢好痕, 好想抓.
成朝不停扭計我都好心痛,
加上我怕佢可能有尿道炎,
雖然佢食得瞓得玩得,
都係下午帶佢去睇醫生隱陣D.
個醫生一望佢PET PET就只係皮膚敏感姐,
反而佢一聽個肚就話BB有少少風,
可能有D攪肚痛. 怪不得成朝扭計!
開咗一盒藥膏塗PET PET,
仲有兩日藥: 一支藥水同兩包藥粉,
for 調整腸道架喎!
即係我又要做一樣我好憎、好怕、好為難嘅工作: 餵BB食藥!!
醫生仲吩咐我BB要戒口,
生果同肥膩野唔可以食, 菜就食得.
塗咗藥膏半日, 兔寶寶個pet pet好返好多了,
不過一諗起仲有大半支藥水要"質"佢食,
我就覺得我同佢都好慘!
沒有留言:
張貼留言