又食齋~

尋日我地晏晝又去咗普光齋食自助齋呀!

託大少減肥嘅福, 我先可以再去齋鋪度食多次齋,
要食肉獸肯去食齋, 都幾難架!

兔寶寶, 你想擺自己上枱呀?



自助下午茶由15:00開始至四點結束.
第一碟, 我就攞咗碟蛋散返來.
好彩咋! 蛋散出咗一次咋!
其實佢款款食物都係出一次, 夾完就無,
第二輪再出其他款式, 咁先可以試多D食物嘛!

留意下對手仔, 原來兔寶寶都係"喉"住碟蛋散呢!

大少拎嘅炒青瓜、欖菜四季豆、齋老味.

齋燒賣(入面係沙角), 素菜餃, 素粉粿, 紅豆糕.

大少嘅炆衣麵, 炒翠玉瓜.
後面果碟係炆茄子同蘿蔔糕.

我再攞多碟雲耳素雞炒絲瓜, 西蘭花+椰菜花,
仲有少少粉絲煮黃芽白.

最後一碟係西芹豆乾炒粒粒, 同埋豆芽炒三絲.

其實仲拎咗齋腸粉俾兔寶寶, 不過佢食咗一條就無食,
其他三條我食埋佢! BB就食咗我D紅豆糕...

*********************************

有人唔肯坐定定要扭落地,
最後要將佢隔離呀!

今餐埋單九十幾蚊咋!
咁多蔬菜好啱我食呢!