又係雜記

7月20日  星期五  晴天

身邊朋友原來有很多都去了參觀畢加索畫展,
唔洗飛去巴黎咁遠又難怪咁多人去嘅...
至於我呢D唔鍾意"呃錢"(art)嘅人嚟講, 緊係無去啦!
大少就問咗人攞張傳單嚟睇下...


原來兔寶寶都識欣賞畢加索嘅畫架!

兔寶寶: 我愛畢加索, 更愛不加思索...


將張傳單睇完又睇,
又攞個玩具飯煲來"吸"落去呀Dora Maar (畫中女子) 個口度,
唔知佢想掂...

兔寶寶: 我想一盡地主之誼請呀DORA 食飯呀!!

**************************************

今日晏晝有D野要攪, 大少就帶咗兔寶寶落街踏單車,
唔騷擾我整野...
玩咗成個鐘, 大少返嚟都散散地,
兔寶寶依然好精力, 一聽到音樂即刻UN身UN勢...